ارزګان کې میاشتنی ادبي بهیر ترسره شو

تېره ورځ د ارزګان د اطلاعاتو او کلتور ریاست له لوري په دغه ریاست  کې د ګڼ شمېر شاعرانو، لیکوالانو، د شعر او ادب مینوالو په شتون کې میاشتنی ادبي بهیر ترسره شو.
دغه میاشتنی ادبي بهیر د ځوانانو چارو عمومي مدیریت په همغږۍ د هرې میاشتې په ورستیو کي د اطلاعات او کلتور ریاست په انګړ کې ترسره کیږي.
د یاد ادبي بهیر په پیل کې د دغه ولایت د اطلاعات او کلتور رئیس قاري اغاولي قریشي د ټولو ګډون والو د ګډون څخه مننه وکړه، ادیبان او شاعران یې د اسلامي امارت د قلم مبارزین یاد کړل او له دوی څخه یې غوښتنه وکړه چې خپل شعرونه او لیکنې د نظام او اسلام په ملاتړ وکړي.
نوموړي وویل، دا نظام شاعر، لیکوال او ادیب ته اړتیا لري او ټول باید د خپل هنر په ژبه د نظام او اسلامي امارت ملاتړ وکړي.
ورپسې ګڼ شمېر شاعرانو خپل شعرونه ګډونوالو ته واورول.

۱۴۴۴/۱۱/۲۹ هـ ق
۱۴۰۲/۳/۲۸ هـ ش