د لیکوالانو، ترانه ویونکو او ادیبانو سره د همغږۍ غونډه ترسره شوه
سه شنبه (۳ محرم ۱۴۴۶) د اطلاعاتو او کلتور وزارت اړوند د ترنم او ترانو ریاست د رئیس مولوي امان الله مستغفر په مشرۍ د لیکوالانو، ترانه ویونکو او ادیبانو سره د همغږۍ غونډه ترسره شوه.
غونډه د قران عظیم الشان د څو مبارکو آیتونو په تلاوت سره پیل شوه، ورپسې د ترنم او ترانو رئیس مولوي امان الله مستغفر د علم او ادب په ارزښت خبرې وکړې او د ادب په وده او پراختیا یې ټینګار وکړ، نوموړي له ادبیانو وغوښتل چې مشورې او وړاندیزونه د ادب په برخه کې راسره شریکوئ څو دا مهمه برخه په ګډه قوي او پیاوړې کړو.
ورپسې ليکوالانو، ترانه ویونکو او ادیبانو د ادب پر پرمختګ خبرې وکړې هغوی زیاته کړه ادیبان د ټولنې سترګې دي، باید هر ادب پوه خپل مسؤلیت په ښه توګه ادا کړي او د یاد علم د ودې او پراختيا په برخه کې هر راز همکاري له حکومت سره وکړي.
۱۴۰۳/۴/۲۰ ھ ش
۲۰۲۴/۷/۱۰ ميلادي
