د اقراء خصوصي ليسې زده کوونکو له عامه کتابتون څخه ليدنه وکړه
د پکتیا ولايت د مرکز ګرديز ښار اړوند اقراء خصوصي ښوونځي ۳۲ تنه زده کوونکو په کابل کې له مرکزي عامه کتابتون څخه د علمي ظرفیت لوړونې او له منابعو څخه د سالمې ګټې اخستنې په موخه ليدنه وکړه.
يادو زده کوونکو د ليدنې په ترڅ کې د عامه کتابتون له مختلفو برخو څخه لکه د علومو تالار، د مجلو او ورځپاڼو تالار، د افغانستان پېژندنې تالار او اسلام پېژندنې تالار څخه لیدنه وکړه، چې د عامه کتابتون د مسؤلينو له لوري ورته په هره برخه کې له منابعو څخه د سالمې ګټې اخستنې او ليدونکو ته د وړاندې کيدونکو خدماتو په اړه مفصل معلومات ورکړل.
د اقراء خصوصي ښوونځي مسؤلينو د عامه کتابتون له مسؤلينو څخه زده کوونکو ته د دا ډول علمي فرصتونو برابرولو له امله مننه وکړه.
د يادې ګټورې ليدنې په پای کې زده کوونکو د عامه کتابتون د مسؤلينو له نیک برخورد او ګټورو معلوماتو نه مننه وکړه، دا سفر يې له لاسته راوړنو ډک وباله او ويې ويل: د دې سفر له امله يې د کتاب لوستنې سره انګيزه پيدا کړه.
۱۴۴۶/۲/۲۹ ھ ق
۱۴۰۳/۶/۱۲ ھ ل
