د ننګرهار له سیمه ییزو خبریالانو سره د همغږۍ ناسته وشوه
د ننګرهار ولایت د اطلاعاتو او کلتور رئیس مولوي نور محمد حنیف په مشرۍ په یاد ریاست کې د ننګرهار له سیمه ییزو خبریالانو سره د همغږۍ ناسته تر سره شوه، چې پکې د ملي رادیو تلوېزیون آمر مولوي امان الله عادل، د اطلاعاتو آمر مولوي صدیق الله قریشي او د سیمه يیزو رسنیو استازیو او خبریالانو ګډون کړی و.
په یاده ناسته کې خبریالانو په خپل نوبت سره خپلې ستونزې د اطلاعاتو او کلتور له رئیس سره د حل په موخه شریکې کړې.
ښاغلي حنیف د خبریالانو د خبرو له اورېدلو وروسته هغوی ته ډاډ ورکړ او ویې ویل: رسنۍ د ذهنیتونو د لا ښه سمون په خاطر ډېر اهمیت لري. د اطلاعاتو او کلتور ریاست او ولایتي اداره تل دا هڅه کوي، چې د ژورنالېزم له اصولو سره سم رسنیو او خبریالانو ته ټولې اسانتیاوې برابرې کړي.
۱۴۴۵/۳/۱۶ هـ ق
۱۴۰۲/۷/۹ هـ ش
