د حصارک ځوانانو د اطلاعاتو او کلتور رئیس ته د اعزاز پګړۍ ور په سر کړه
نن دوشنبه (۳۰ د ذوالقعدې ۱۴۴۴) د ننګرهار ولایت د حصارک ولسوالۍ ځوانانو د دغه ولایت په اطلاعاتو او کلتور ریاست کې د یاد ریاست رئیس مولوي نور محمد حنیف ته د ښو خدمتونو په بدل کې د اعزاز لونګۍ ور په سر کړه.
په همدې مناسبت جوړه شوې غونډه کې مولوي نور محمد حنیف وویل، ځوانانو ته کاري فرصتونه رامنځته کول مو لومړیتوب دی، ځوانان په ټولنه کې د ملا دتیر حیثیت لري او هڅه کوو چې دغې مهم قشر ته کاري فرصتونه رامنځته کړو، ترڅو د هېواد دا بیړۍ په ګډه تر منزله ورسوو، ښاغلي حنیف زیاته کړه، ځوانان باید خپل یووالی وساتي او د هېواد د ابادۍ لپاره مټې را ونغاړي، په پردیو هېوادونو کې د خدمت په ځای باید خپل هیواد ته لومړیتوب ورکړي.
ځوانانو د رئیس کړنې د اغزاز لونګۍ په ورکولو سره وستایلې او د ځوانانو لپاره یې د نوموړي د هلو ځلو مننه وکړه.
۱۴۴۴/۱۱/۳۰ ه ق
۱۴۰۲/۳/۲۹ ه ش
