په بادغیس کې د کب شلمه د کلتوري ميراثونو د نړیوالې ورځې په اړه سیمینار ترسره شو
تېره ورځ ۱۴۴۴/۸/۱۹ هـ ق د بادغیس ولایت د اطلاعاتو او کلتور ریاست د غونډو په تالار کې د کلتوري میراثونو ارزښت تر عنوان لاندې د کب شلمه د کلتوري ميراثونو د نړیوالې ورځې په اړه غونډه جوړه شوه.
چې پکې علماوو، د رسنيو مسؤلينو، فرهنګيانو او يو شمېر ځوانانو ګډون کړی و.
غونډه د کلام الله د څو مبارکو آیتونه په تلاوت پیل شوه، ورپسې د بادغیس ولایت د اطلاعاتو او کلتور رئیس اخندزاده مطیع الله متقي د لرغونو آثارو او فرهنګي میراثونو په ارزښت خبرې وکړې.
ورپسې د علماوو د شورا غړي الحاج مولوی غلام محمد"موحدی" خبرې وکړې او زیاته یې کړه، اوس د کلتوري مبارزې وخت دی، مونږ بايد د خپل اسلامي او افغاني کلتور ساتنه وکړو.
د غونډې په وروستۍ برخه کې د فرهنګ آمر عبدالاول حبيبي دتاريخي ځايونو، لرغونو آثارو، د ښې ساتنې په برخه کې د ولسي وګړو د همکاريو غوښتنه وکړه.
