په مسکو کې د افغانستان اسلامي امارت لوی سفارت فرهنګي آتشې (د نړۍ رنګونه) ترعنوان لاندې په جوړ شوي نندارتون کې ګډون وکړ.
په مسکو کې د افغانستان اسلامي امارت لوی سفارت فرهنګي آتشې ښاغلي فضل الهادي حمزه د تريتياکوف ګالري په ودانۍ کې د روسيې فدراسيون د بهرنيو چارو وزارت لخوا د بهرنيو ډيپلوماټانو د تخليقي کارونو (د نړۍ رنګونه) ترعنوان لاندې په جوړ شوي نندارتون کې ګډون وکړ.
دغه نندارتون د روسیې د بهرنیو چارو وزارت د دولتي پروتوکول څانګې په ملاتړ د روسیې د فدراسیون د فرهنګ وزارت سره په ګډه ترسره شوی دی او د دوهم کال لپاره د انټرمیوزیم نړیوال فستیوال په پروګرام کې هم شامل دی، چې ياد نندارتون به د درېيو ورځو لپاره پرانیستی وي.
د يادونې وړ ده، چې په ياد نندارتون کې روسيې مېشت افغان انځورګر ښاغلي ذبیح پيکان هم خپل انځورونه نندارې ته وړاندې کړل، چې د ګډون کوونکو د ځانګړې پاملرنه وړ وګرځیدل او د نندارتون د مشرتابه لخوا د افغان انځورګر انځورونه د لومړي مقام په توګه وستايل شول.
ښاغلي ذبيح پيکان په مسکو کې د ا.ا.ا لوی سفارت فرهنګي آتشې لخوا ياد نندارتون ته ورپېژندل شوی و.
۱۴۴۷/۱۲/۷ هـ ق
