د امارتي ادارو له ویاندویانو، خبریالانو او د رسنیو له مسؤلینو سره د همغږۍ ناسته وشوه
د سمنګان د اطلاعاتو او فرهنګ ریاست له لوري اطلاعاتو ته د لاس رسي او د همغږۍ لا پیاوړتیا په موخه د امارتي ادارو له ویاندویانو، خبریالانو او د رسنیو له مسؤلینو سره د همغږۍ ناسته وکړه.
د اطلاعاتو او فرهنګ رئیس د رسنیو او خبریالانو د رول پر اهمیت خبرې وکړې او ویې ویل: رسنۍ د واقعیتونو په انعکاس او د ټولنې په پوهاوي کې مهم رول لري. نوموړي ټینګار وکړ، چې خبریالان د مسلکي مسؤلیت په درک کولو سره کولای شي د خلکو او نظام ترمنځ د لا زیات باور په ټینګښت کې مهمه ونډه واخلي.
د اطلاعاتو او فرهنګ رئیس په وینا، د رسنیو اصلي رسالت د معلوماتو دقیق، بېطرفه او مسؤلانه لېږد دی، ترڅو خلک د پېښو او د امارتي ادارو د فعالیتونو څخه په شفاف ډول خبر شي.
د ناستې په لړ کې د امارتي ادارو ویاندویانو، خبریالانو او د رسنیو مسؤلینو د دقیق او بېطرفه اطلاع رسونې، معلوماتو ته د لاسرسي او د همغږۍ پر اهمیت خبرې وکړې او خپل وړاندیزونه، نظرونه او ستونزې یې له مسؤلینو سره شریکې کړې، چې مسؤلینو د حل ډاډ ورکړ.
۱۴۴۷/۱۱/۱۳ هـ ق
