برگزاری نشست هماهنگی با خبرنگاران و مسوولان رسانه‌ها در ولایت بغلان
ریاست اطلاعات و فرهنگ ولایت بغلان در نشستی با مسوولان رسانه‌ها و خبرنگاران، بر هماهنگی و فعالیت قانونمند رسانه‌های محلی تأکید کرد.
مولوی اسدالله مصطفی هاشمی رییس اطلاعات و فرهنگ ولایت، ضمن حمایت از خبرنگاران، از مسوولان رسانه‌ها خواست تا جوازهای فعالیت خویش را تمدید کرده و در بخش تهیه، نشر و پخش خبرها مطابق اصول و مقررات امارت اسلامی افغانستان عمل نمایند.
عبدالواحد وحدت مسوول کمیتهٔ ولایتی مصوونیت اجتماعی خبرنگاران، به نماینده‌گی از خبرنگاران ضمن قدردانی از حمایت دوام‌دار ریاست اطلاعات و فرهنگ، مشکلات خبرنگاران و مسوولان رسانه‌ها را شریک کرد که مسوولان از حل آن اطمینان دادند.
قابل ذکر است که در حال حاضر در ولایت بغلان، دو رسانهٔ تصویری، شش رسانهٔ صوتی و یک رسانهٔ چاپی محلی فعالیت دارند.
۱۴۴۷/۷/۱ ه ق
