د اطلاعاتو او کلتور وزير په مشرۍ د مهاجرينو او بېرته راستنېدونکو د اطلاعاتو او عامه پوهاوي هيئت ناسته وشوه
یکشنبه ( ۳۰ د جمادی الثاني ۱۴۴۷) د اطلاعاتو او کلتور وزير ښاغلي شيخ شیراحمد حقاني صاحب په مشرۍ د مهاجرينو او بېرته راستنېدونکو د اطلاعاتو او عامه پوهاوي کميټې ناسته وشوه، چې پکې د صنعت او تجارت ، د مهاجرينو او ارشاد، حج او اوقافو وزارتونو، د رسنيو مرکز او امنيتي ادارو استازو ګډون کړی وو.
د ناستې پرمهال د اطلاعاتو او عامه پوهاوي هيئت د فعاليتونو ارزونې تر څنګ د کميټې د غړو له لوري په هيواد کې د مهاجرينو او بېرته راستنېدونکو هيوادوالو لپاره د فعاله پنډغالو د فعاليتونو او خدماتو په اړه معلومات وړاندې شول، د هیئت د غړو په وینا؛ د مهاجرينو او بېرته راستنېدونکو لپاره په مرکز کابل کې هم پنډغالی جوړ شوی، چې د ټاکل شوو کميټو له لوري ورته خدمات وړاندې کېږي، همدا راز د فعاليتونو د ښه تنظيم او ارشيف لپاره نوی ډيټابیس جوړ شوی دی.
د اطلاعاتو او کلتور وزير ښاغلي شيخ شیراحمد حقاني صاحب د فعاليتونو د ارزونې لپاره د همغږۍ په لا پياوړتیا ټينګار وکړ او ويې ويل: د عامه پوهاوي له لارې دې خيريه بنسټونه او ادارې د مهاجرينو او بېرته راستنېدونکو سره مرستو ته وهڅول شي، همدا راز دې ولس او مسؤل اشخاص په غوره ډول د مهاجرينو او بېرته راستنېدونکو هيوادوالو خدمت ته وهڅول شي.
ښاغلي حقاني صاحب زياته کړه؛ د ااا د ټولو شته امکاناتو څخه په استفادې په رښتيني ډول د مهاجرينو خدمت او چوپړ کوي.
۱۴۰۴/۹/۳۰ هـ ل
