په شکین ولسوالۍ کې د ( عَلَیْکُم بِسُنَّتِی )کتاب لوستنې سیالۍ پایلې اعلان شوې
د پکتیکا ولایت د اطلاعاتو او کلتور ریاست اړوند د ځوانانو چارو آمریت له لوري په شکین ولسوالۍ کې د شاوخوا ۱۵۰ تنو زده کوونکو، طالب العلمانو او ځوانانو ترمنځ د ( عَلَیْکُم بِسُنَّتِی )کتاب سیالۍ چې څه موده وړاندې ترسره شوې وه، پایلې اعلان او مخکښ ګډونوال یې وستایل شول.
د ځوانانو چارو آمر وویل: له یادې سیالۍ څخه موخه د مطالعې دود عام کول او د ځوانانو ترمنځ د سالم رقابت رامنځته کول وبلل او ویې ویل: د دغې سیالۍ لومړي مقام ګټونکي ته یو پایه کمپیوټر، دوهم او دریم مقام ګټونکو ته موبایلونه او تر لسم مقام ګټونکو ته بېلابېلې ډالۍ ورکړل شوې.
دغه راز د سیالۍ ګډونوالو خوښي څرګنده کړه او د ورته سیالیو جوړول یې د ځوان نسل لپاره د علمي او فکري پیاوړتیا راز وبلل.
۱۴۴۷/۶/۲۷ هـ ق
