ځوانانو ته د کلتوري یرغل پېژندنې او مخنیوي په اړه روزنیز سیمینار ترسره شو
د کونړ ولایت د اطلاعاتو او کلتور ریاست اړوند د ځوانانو چارو آمریت له لوري لسګونو ځوانانو ته د کلتوري یرغل پېژندنې او مخنیوي په اړه روزنیز سیمینار ترسره شو، چې پکې د دیني عالمانو او استادانو له لوري د کلتوري یرغل پېژندنې او د مخنیوي په لارو چارو یې معلومات وړاندې شول.
سیمینار کې ویناوالانو د کلتوري یرغل په اړه هر اړخیز معلوماتو وړاندې کړل او ویې ویل: غرب غواړي چې د تېر په څېر خپل کلتوري یرغل ته دوام ورکړي، ترڅو خپلو شومو موخو ته ورسېږي.
دغه راز د سیمینار یوه برخه د ځوانانو نظرونو او پوښتنو ته ځانګړې شوې وه، چې د سیمینار وړاندې کوونکو له لوري ورته په تفصیلي توګه ځوابونه ورکړل شول.
۱۴۴۷/۲/۲۴ هـ ق
