جوزجان کې د سیاحتي شرکتونو له مسؤلینو سره د همږغۍ غونډه وشوه
د جوزجان ولایت د اطلاعاتو او کلتور ریاست د مسؤلينو له لوري د سیاحتي شرکتونو له مسؤلینو سره د همږغۍ غونډه وشوه.
د اطلاعاتو او کلتور رئیس مولوي سیف الدین معتصم د یادې غونډې جوړیدو څخه موخه د سیاحتي شرکتونو د مسؤلینو ستونزې او وړاندیزونه اورېدل یاد کړل او زیاته یې کړه؛ د اطلاعاتو او کلتور ریاست په ټول توان سره هڅه کوي، چې د سیاحتي شرکتونو ستونزو ته رسیدګي وکړي.
د نوموړي په وینا؛ هېڅ سیاحتي شرکت د جواز څخه پرته د فعالیت حق نه لري او له هر ډول غیر قانوني فعالیت کوونکي سره به جدي او قانوني چلند وشي.
د سیاحتي شرکتونو مسؤلینو هم خپلي ستونزې او وړاندیزونه د اطلاعاتو او کلتور ریاست سره شریکې کړې او له یاد ریاست څخه يې د لازیاتې همکارۍ غوښتنه وکړه.
۱۴۴۶/۱۱/۱۶ هـ ق
