د اطلاعاتو او فرهنګ وزارت مشرتابه په هلمند کې د یو خبریال پر وژل کېدو خواشیني څرګنده کړه
د اطلاعاتو او فرهنګ وزارت مشرتابه په هلمند کې د آزادۍ راډیو د سیمه ییز خبریال محمد الیاس داعي وژل کېدل وغندل.
د آزادي راډیو سیمه ییز خبریال محمد الیاس داعي د سپرلۍ پر موټر د چسپکي ماین په چاودنه کې ژوند بایلود. په دې پېښه کې د محمد الیاس داعي ورور چې د دویچې ویلې سیمه ییز خبریال دی، له یو بل کس سره ټپي شو.
د اطلاعاتو او فرهنګ وزارت مشرتابه د خبریالانو پر خلاف دغه برید غندي او د جګړې له لوریو غواړي پرېږدي چې خبریالان خلکو ته په اطلاع رسولو کې خپل مسوولیتونه له هر ډول ګواښ پرته سرته ورسوي. د اطلاعاتو او فرهنګ وزارت رهبري د محمد الیاس داعي پړ مړینې خواشیني څرګندوي او داعي ته د فردوس جنت، کورنۍ او خپلوانو ته یې او همدارنګه د هېواد رسنيو ته د جمیل صبر هیله کوي.
کابل/ د لړم ٢٢ مه / باختر
