غوربند کې د لومړي ځل لپاره کلتوري او هنري نندارتون ترسره شو
د پروان ولایت غوربند درې کې د لومړي ځل لپاره کلتوري او هنري نندارتون په شاندارو مراسمو کې ترسره شو.
یاد نندارتون کې لسګونه تنه ځوانانو خپل استعدادونه، علمي، هنري نوي اختراعات او بېلابېل کلتوري نوښتونه او لاسي صنایع نندارې ته ايښي وو.
د نندارتون د پرانستې پرمهال د یاد نندارتون مسؤل استاد سخي ګل ابدالي د ځوانانو د لاسته راوړنو په اړه معلومات وړاندې کړل، نوموړي د ځوانانو لپاره د اسلامي امارت کړنې وستایلي او د دا ډول پروګرامونو جوړولو څخه یې خوښې څرګنده کړه.
ښاغلي ابدالي وویل: دغه نندارتون د ځوانانو د استعدادونو د ودې، او د دوې د علمي کچې د لوړولو په موخه جوړ شوی دی.
۱۴۴۶/۴/۳۰ هـ ق
۱۴۰۳/۸/۱۲ هـ ل
