زابل کې له خصوصي او دولتي رسنيو څخه څارنه وشوه
د زابل ولايت د اطلاعاتو او کلتور ریاست د اطلاعاتو آمر د یوه پلاوي په ملتیا له دولتي او خصوصي رسنیو (راډیوګانو) څخه لیدنه او څارنه وکړه.
د اطلاعاتو آمر د رسنیو څخه د څارنې پرمهال له مسؤلینو سره د هغوی د ښه فعالیت ستاینه وکړه او زیاته یې کړه؛ چې دینې او اصلاحي خپرونو ته نوره پاملرنه هم وکړي.
نوموړي همداراز د رسنيو له مسؤلینو وغوښتل، چې د راتلونکي کال مهالوېش ورسره شریک کړي، ترڅو د اړتیا په صورت کې ټول اسناد موجود وي.
د رسنیو مسؤلینو د اطلاعاتو او کلتور رياست سره په هره برخه کې د پوره همږغۍ او همکارۍ ډاډ څرګند کړ او ویې ويل: د اسلامي او افغاني ارزښتونو او د ھېواد د ملي ګټو په نظر کې نيولو سره به خپل نشرات تر سره کوي.
۱۴۴۶/۹/۱۸ ق
۱۴۰۳/۱۲/۲۸ ل
