نیمروز کې له وړیا ښوونيز مرکز څخه لسګونه ځوانان فارغ شول
د نيمروز ولايت د اطلاعاتو اوکلتور رياست اړوند له وړيا ښوونيز مرکز څخه د کمپيوټر، عربي او انګليسي ژبو په برخه کې د لنډ مهاله لومړنيو زده کړو له دورې څخه د شاوخوا ۱۵۰ تنو ځوانانو او مجاهدینو فراغت غونډه د یاد ریاست د غونډو په تالار کې جوړه شوه.
د اطلاعاتو او کلتور رئیس مفتي حبیبالله الهام وویل: د وخت غوښتنه ده، چې د ځوانانو علمي مهارتونه پياوړي شي، همدا راز د نویو ژبو او مهارتونو زدکړه د ټولنې د پرمختګ لپاره اړینه ده، د اطلاعاتو او کلتور ریاست وړیا ښوونیز مرکز د ځوانانو او مجاهدینو لپاره غوره فرصت دی، دا مرکز د ځوانانو د ظرفيتونو د لوړولو لپاره نور پروګرامونه هم لري.
د یادو مراسمو په پای کې فارغینو ته تصدیق پاڼې ووېشل شوې او غونډه د دُعا په ویلو سره پای ته ورسېده.
۱۴۴۶/۹/۱۱ ق
۱۴۰۳/۱۲/۲۱ ل
