په فاریاب کې د خبریالانو او رسنیو د مسؤلينو د همږغۍ غونډه وشوه
فارياب ولايت کې د ولايت مقام د مرستيال مولوي حميدالله ارشاد په مشرۍ او د اطلاعاتو او کلتور رياست د رئيس مولوي شمس الدين محمدي په شتون کې د دې ولايت د رسنيو له مسؤلينو او خبريالانو سره د همږغۍ غونډه وشوه.
د اطلاعاتو او کلتور رئیس مولوي شمسالدین محمدي وویل: رسنۍ د خلکو او مسؤلينو ترمنځ د اړیکو رامنځته کولو اسباب دي، موږ ژمن یو، چې د رسنیو د آزادو او خپلواکو فعالیتونو ملاتړ وکړو، نوموړي د خبریالانو او رسنیو د ملاتړ په برخه کې د مرستیال والي هڅې وستایلې.
د فاریاب ولایت مقام مرستیال مولوي حمیدالله ارشاد په ټولنه کې د رسنیو پر حیاتي رول او اهمیت خبرې وکړې او زیاته یې کړه؛ د فاریاب د محلي رسنیو ستونزې به اړوندو مراجعو ته ورسوي.
خبریالانو او د رسنیو مسؤلينو په دې غونډه کې د اقتصادي ستونزو او د اطلاعاتو ته د لاسرسي پر حق ټینګار وکړ، هغوی د ځایي مسؤلينو د لا ډېرو همکاریو او ملاتړ غوښتنه وکړه، چې مسؤلينو ډاډ ورکړ او د دې ستونزو د حل لپاره يې د جدي اقداماتو ترسره کولو ژمنه وکړه.
۱۴۴۶/۷/۱۴ ق
۱۴۰۳/۱۰/۲۶ ل
