لغمان کې د ټولنې مصلحینو ته د مدیریت او اړیکو په هکله دوه ورځنی ورکشاپ پیل شو
لغمان ولايت کې د اطلاعاتو او کلتور ریاست په هڅو د بشري حقونو او د رسنیو څار موسسې لخوا د ټولنې مصلحینو ته د مدیریت او اړیکو په هکله دوه ورځنی ورکشاپ پیل شو.
د اطلاعاتو او کلتور رئیس مولوي عبدالنور رسولی د یاد ورکشاپ د پیل په مراسمو کې وویل: دوی تل هڅه کړې، ترڅو د ټولنې ځوانانو ته په بېلابېلو برخو کې د زده کړو او عامه پوهاوي زمینه برابره کړي، رسولي زیاته کړه؛ له بیلابیلو ادارو او مؤسساتو سره یې په دې هکله خبرې کړي دي، دا دی خوشبختانه یوشمېر ځوانانو ته لنډ مهالی ښوونيز ورکشاپ پيل شو.
د بشري حقونو او د رسنیو څار مؤسسې استازي عزت الله اکبري بیا د اطلاعاتو او کلتور ریاست څخه مننه وکړه چې د برنامو په پرمخ وړلو کې ورسره ښه همغږي لري، هغه وویل: د ځوانانو د روزنې لپاره مختلفې برنامې لري، چې وخت پر وخت به یې لغمان کې پلي کوي.
د ورکشاپ ګډونوالو دا ډول پروګرامونه د مدیریت او اړیکو په برخه کې ګټور وبلل، هغوی وویل: د ځوانانو د روزنې او عامه پوهاوي په خاطر باید په مرکز او ولسوالیو کې داسې پروګرامونه ترسره شي.
۱۴۴۶/۵/۲ هـ ق
۱۴۰۳/۸/۱۴ هـ ل
