محمدطاهر زهيرپه هېواد کې د ګرځندوى صنعت پر ودې ټينګاروکړ
د اطلاعاتواوفرهنګ وزارت سرپرست محمدطاهر زهير په مشرى نن په هېواد کې د ګرځندوى صنعت د ښه والي او ودې په مقصد غونډه جوړه شوه .
د باختراژانس خبريال دخبرله مخې ؛ په دې غونډه کې چې د اطلاعاتواوفرهنګ وزارت مالي، اداري اوګرځندوي معينې پوهنيارې سيدې مژګان مصطفوي هم ګډون کړى و ، د ګرځندوى د خصوصي شرکتونو رييسانو په هېواد کې د ګرځندوي دښه والي په خاطر خپلې يولړستونزې، غوښتنې او وړانديزونه څرګندکړل .
دوى دغه راز وويل: چې په هېواد کې د ګرځندوي په برخه کې پانګې اچونې ته چمتودي، اوپه دې لاره کې د اطلاعاتواوفرهنګ وزارت اود حکومت د همکارۍ او ملاتړ غوښتنه وکړه .
د اطلاعاتواوفرهنګ وزارت سرپرست په خپلو خبروکې وويل: ګرځندوي د نړۍ په کچه يو زيات عايداتي صنعت دى،چې بېلابېلې برخې لري .
هغه زياته کړه :چې په هېواد کې د دوامدارو ناامنيو په دليل له ٤٠ کلونو راپديخوا ګرځندوى زياته وده نه ده کړې .
د اطلاعاتواوفرهنګ وزارت سرپرست څرګنده کړه چې افغانستان دګرځندوي ډيرې ساحې، اماکن اوطبيعي منظرې لري . اوبايد هلې ځلې وشي، چې دګرځندوي په تېره بيا کورنى سياحت وده اوښه والي پيداکړي .
دغه راز د اطلاعاتواوفرهنګ وزارت سرپرست د ګرځندوي صنعت د ودې اوښه والي په برخه کې د ګرځندوي له خصوصي شرکتونو سره د دغه وزارت همکاري اوملاتړڅرګندکړ .
کابل/ دچنګاښ ٢٩مه / باختر:
