د اطلاعاتو او کلتور رئيس د زرنج ښار د سياحتي شرکتونو له مسؤلينو سره وکتل
تېره ورځ د نيمروز ولايت د اطلاعاتو او کلتور رئيس مفتي حبیب الله الهام د ياد رياست د غونډو په تالار کې د سياحتي شرکتونو له مسؤلينو سره وکتل.
ښاغلي الهام د سياحتي شرکتونو مسؤلينو ته د ښه راغلاست تر څنګ وويل: له ناستې څخه يې موخه له دوی سره د ښې همغږۍ رامنځته کول او د قانون په رڼا کې له دوی سره د همکاريو کول دي، نوموړي د سياحتي شرکتونو له مسؤلينو وغوښتل تر څو د جوازونو، ويزو او پاسپورټونو په برخه کې د غيرقانوني کړنو د ترسره کولو څخه ډډه وکړي.
ورپسې د سياحتي شرکتونو مسؤلينو خپلې ستونزې او وړانديزونه بيان کړل او د اطلاعاتو او کلتور رياست سره يې د هر راز همکارۍ کولو ډاډ ورکړ.
۱۴۴۵/۹/۲ هـ ق
۱۴۰۲/۱۲/۲۲ هـ ل
