لسګونو طالب العلمانو ته د فکري جګړې په اړه روزنیز سیمینار وړاندې شو
د غزني د اطلاعاتو او فرهنګ ریاست له لوري د دغه ولایت د جهادي مدرسې لسګونو طالب العلمانو ته د فکري جګړې په اړه روزنیز سیمینار وړاندې شو.
د غزني د اطلاعاتو او فرهنګ رئیس ملا حمیدالله نثار د فکري جګړې د زیانونو، د ځوانانو د فکري روزنې پر اهمیت او د اسلامي او ملي ارزښتونو د ساتنې په اړه خبرې وکړې او ویې ویل: د ځوان نسل د علمي ظرفیت لوړول د ټولنې د فکري ثبات او پرمختګ لپاره اړین دی او په دې برخه کې به خپلې هڅې دوامداره وساتو.
دغه راز د اطلاعاتو او فرهنګ ریاست اړوند د ښوونیز مرکز استاد انورالحق عمر د فکري جګړې د مفهوم، لاملونو، اغېزو او د هغې د مخنیوي د لارو چارو په اړه هراړخیز معلومات وړاندې کړل او په دې برخه کې یې د ګډونوالو پوښتنو ته ځوابونه ورکړل.
ورته مهال د جهادي مدرسې مسؤلینو او طالب العلمانو د اطلاعاتو او فرهنګ ریاست څخه د دغه ډول علمي پروګرامونو د ترسره کولو له امله مننه وکړه او ویې ویل: دا ډول سیمینارونه د طالب العلمانو د علمي او معلوماتي ودې لوړولو په برخه کې مهم رول لري.
۱۴۴۸/۲/۷ هـ ق
