د قطر سفير د اطلاعاتو او فرهنګ له وزير صاحب سره وکتل
یکشنبه (۱۴۴۷ د ذوالقعدې ۳۰) په کابل کې د قطر شاهي دولت سفير دوکتور مردف القاشوطي د اطلاعاتو او فرهنګ له وزير ښاغلي شيخ شيراحمد حــقاني سره د وزارت په مقام کې وکتل.
په دې لیدنه کې د افغانستان او قطر هېوادونو ترمنځ د فرهنګي پروګرامونو په برخه کې د اړیکو، همکاریو او همغږیو پر پیاوړتیا ټینګار وشو.
د قطر شاهي دولت سفیر دوکتور مردف القاشوطي د افغان ځوانانو د ظرفیت لوړولو پروګرامونو په برخه کې د پوره همکاریو ډاډ څرګند کړ او ویې ویل: تمدن او فرهنګ د ملتونو ترمنځ ترټولو پیاوړی پول دی او تمدن او فرهنګ په بېلابېلو برخو کې د پیاوړو اړیکو جوړولو لامل کېږي.
دغه راز د اطلاعاتو او فرهنګ وزير ښاغلي شیخ شیراحمد حــقاني وویل: قطر او افغانستان اوږدمهاله دوستانه اړيکې لري، ښاغلي حــقاني د دواړه هېوادونو ترمنځ د فرهنګي اړیکو پر پیاوړتیا ټینګار وکړ.
ښاغلي حــقاني زیاته کړه، چې د اطلاعاتو او فرهنګ وزارت د افغان ځوانانو د ظرفیت لوړولو په برخه کې بېلابېل پروګرامونه په پلان کې لري او د ځوانانو ظرفیت لوړولو په موخه د دوست هېوادونو د همکاریو رول مهم دی.
۱۴۴۷/۲/۲۷ هـ ق
