د کتاب ارزونې کمېسیون نوبتي غونډه وشوه
دوشنبه (۱۴۴۷ د ذوالقعده ۱۷مه) د خپرونو چارو معین ښاغلي مهاجر فراهي په مشرۍ د اطلاعاتو او فرهنګ وزارت د خپرونو چارو معینیت اړوند د کتاب ارزونې کمېسیون نوبتي غونډه وشوه.
د غونډې په پيل کې د کمېسیون منشي د تېرې غونډې راپور وړاندې کړ او د کمېسيون لاسته راوړنې او فعالیتونه یې مثبت وارزول شول.
په دې غونډه کې د یو شمېر کتابونو په اړه پرېکړې وشوې او هغه کتابونه چې د اسلامي او افغاني ارزښتونو سره سم لیکل شوي وو، د چاپ اجازه یې ترلاسه کړه، همدارنګه د ۶۶ بېلابېلو عنوانونو درلودونکي ۴۸۵ ټوکه صادر شوي او وارد شوي او د الفرقان خپرندویې کتابونو او د احمد صمدي مطبعې د قرآنکریم د موضوع په اړه بحث وشو او لازمې پرېکړې ونیول شوې.
دغه راز په دې ناسته کې د ارزونې، تألیف او د کتابونو د چاپ په اړه د خپرونو چارو د معین له لوري لازمې لارښوونې او سپارښتنې وړاندې شوې او اړینې پرېکړې وشوې.
د یادونې وړ ده، چې ۵ ټوکه راجع شوي کتابونه د کمېسیون غړو ته وسپارل شول، ترڅو، په راتلونکې ناسته کې یې راپور وړاندې کړي.
۱۴۰۵/۲/۱۴ هـ ل
