پنجشېر کې لرغونې سیمه کشف شوه
د پنجشېر ولایت د اطلاعاتو او کلتور ریاست له لوري د رخې ولسوالۍ اړوند حصارک کلي کې د (کله منار) په نامه یوه لرغونې سیمه کشف شوه.
د اطلاعاتو او کلتور رئیس مولوي نصرالله ملک زاده وايي: د (کله منار) په نوم دغه لرغونې سیمه د رخې ولسوالۍ اړوند په حصارک کلي کې موقعیت لري، چې د فرهنګ او ګرځندوی آمریت له لورې کشف شوې ده او لومړني معلومات ښیي چې دغه سیمه اسلامي دورې پورې تړاو لري.
مولوي ملک زاده زیاته کړه؛ د یادې سیمې د لا ښې پلټنې او تحقیق په موخه د اطلاعاتو او کلتور وزارت د لرغون پیژندنې ریاست د پلاوي څیړنو ته اړتیا ده، ترڅو یاد پلاوي په دغه سیمه کې تخصصي څیړنې وکړي، د ښاغلي ملک زاده په وینا د اطلاعاتو او کلتور ریاست د ولایت په کچه د لرغونو سیمو او آثارو ساتنې ته ژمن دی.
۱۴۴۷/۶/۵ هـ ق
