زابل کې د غږيزو رسنیو له خپرونو څارنه وشوه
د زابل ولایت د اطلاعاتو او کلتور ریاست پلاوي د دې ولایت د خصوصي او دولتي راډیوګانو له خپرونو څخه څارنه وکړه.
پلاوي د زابل ملي راډیو، شیخ متي، ښکلا، پیغام او تعلیم الاسلام راډیوګانو له خپرونو څارنه وکړه او د دوی د خپرونو مهال وېش یې وارزوو.
یاد پلاوي د رسنيو له مسؤلینو وغوښتل، چې د عالیقدر امير المؤمنین حفظهالله هغه فرمان چې د ناوړه رواجونو او دودونو د له منځه وړلو په موخه صادر شوی، د خپلو رسنیو له لارې تر خلکو ورسوي، ځکه د دې فرمان عملي کېدل به د سالمې اسلامي ټولنې په جوړښت کې مهم رول ولوبوي.
د رسنیو مسؤلینو ژمنه وکړه، چې یاد فرمان به د یوې طرحې له مخې خپروي او خلکو ته به یې ور رسوي، دوی زیاته کړه؛ چې د ټولنیزو اصلاحاتو رامنځته کولو لپاره له اسلامي نظام سره همکارۍ ته چمتو دي.
۱۴۴۶/۱۱/۱۴ هـ ق
