خوست کې د وړيا ښوونيز مرکز له لسګونه تنو زده کوونکو وروستۍ ازموينه واخيستل شوه
د خوست ولايت د اطلاعاتو او کلتور ریاست د ځوانانو چارو آمریت اړوند وړيا ښوونيز مرکز کې له ۵۶ تنو زده کوونکو څخه د کمپيوټر او اداري درسونو وروستۍ ازموينه واخستل شوه.
د ځوانانو چارو آمر اسحاق عمري وویل: په یاده ازموینه کې ۴۸ تنو چې یوه میاشت یې د اداري چارو زده کړې او ۸ تنو د کمپیوټر د اکسيل پروګرام په برخه کې درې میاشتنۍ زده کړې کړې وې، ګډون کړی وو.
د يادونې وړ ده، چې دا مهال په وړيا ښوونيز مرکز کې په بېلابېلو تولګیو کې شاوخوا ۸۰۰ تنو زده کوونکو ته د کمپیوټر، انګلیسي، پښتو املاء، تجوید، ویناوالۍ او اداري برخو کې زده کړې ورکول کیږي.
۱۴۴۶/۰۸/۱۰ ھ ق
۱۴۰۳/۱۱/۲۱ ھ ش
