د جلال آباد ښار او یو شمېر ولسواليو له فعالو ځوانانو سره ناسته وشوه
د ننګرهار ولايت په اطلاعاتو او کلتور رياست کې د جلال آباد ښار او يو شمېر ولسواليو فعالو ځوانانو د ځوانانو چارو آمر قاري محمد آصف زهير سره ناسته وکړه، چې په ناسته کې د ځوانانو د فکري روزنې، د ښوونيزو سمينارونو او پروګرامونو په جوړولو خبرې وشوې.
د ځوانانو چارو آمر قاري زهير ځوانانو ته د خپلې وینا په ترڅ کې وويل: د اطلاعاتو او کلتور وزارت د ځوانانو چارو معينيت په پام کې لري، چې په جلال آباد ښار کې ځوانانو لپاره يو لوی روزنيز مرکز جوړ کړي، چې په يو وخت به پکښې تر ۱۰۰۰ تنو ځوانان وړيا زده کړې ترلاسه کولای شي.
نوموړي همدا راز د ځوانانو ستونزې او غوښتنې واورېدې او د حل ډاډ يې ورکړ ترڅنګ يې ځوانانو ته ځينې لازمې سپارښتنې هم وکړې.
۱۴۴۶/۸/۳ ق
۱۴۰۳/۱۱/۱۴ ل
