بادغیس کې له فرهنګي فعالانو سره غونډه وشوه
د بادغيس ولايت د اطلاعاتو او کلتور رياست له لوري د اسد د ۲۸ مې ( له انګریزانو څخه د د خپلواکۍ ترلاسه کولو) د ١٠٥ مې کليزې په مناسبت د ياد ولایت له يو شمېر فرهنګي فعالانو سره غونډه وشوه.
په ياده فرهنګي غونډه کې د اطلاعاتو او کلتور رياست رئيس مولوي مطيع الله متقي په خپله وينا کې د دې تاريخي ورځې د اهمیت ترڅنګ د فرهنګي ډګر له فعالانو څخه وغوښتل، چې په فکري برخه کې کار وکړي، ترڅو په هېواد کې بهرنۍ مفکورې ختمې او پر ځاى يې بشپړ اسلامي او افغاني دودونه او کلتورونه ځاى ونيسي.
همداراز نوموړي فرهنګي فعالانو ته سپارښتنه وکړه، چې د ولسونو په اذهانو د فکري جګړې د بدو اثراتو مخنيوی وکړي او د خپلو ليکنو له لارې په هېواد کې روانې فکري يا هم سړې جګړې ته ماتې ورکړي.
۱۴۴۶/۲/۱۵ هـ ق
۱۴۰۳/۵/۲۹ هـ ل
