د وزير ژوند ليک

د وزير ژوند ليک

 
 
داطلاعاتو اوفرهنګ وزارت دسرپرستې او نوماند وزیرې آغلې  حسينې صافۍ لنډ ژوند ليک
 
حسينه صافۍ د الحاج عبدالرحيم جلالي  لور ده چې  په ١٣٥٣ هـ ش کال  دليندۍ په مياشت کې  یې د لغمان په ولايت کې دې نړۍ ته سترګې وغړولې.
 د لومړنېو او ثانوي زده کړ سند یې په ۱۳۷۴ هـ ش کال کې  دناهيد شهيد او ملالۍ لیسو څخه تر لاسه کړ. د دښوونکو دروزنې تر څنګ یې د انګلیسي ژبې  دپرمختللې مکالمې  دديپلوم په برخه کې زده کړې بشپړې کړي دي. آغلې صافۍ په دې زده کړو تکیه ونه کړه او په ۱۳۹۶ هـ ش کال کې یې د حقوقو او سیاسي علومو په رشته کې د لیسانس سند د طلوع آفتاب له پوهنتون څخه تر فراغت وروسته تر لاسه کړ. هغه په  پښتو  ، دري  ، اردو او انګليسي ژبو  واکمني لري.
 ميرمن صافۍ  د سازماني پراختيا، دپاليسيو دجوړولو او دښځو دځواکمن کولو دبرنامو ، ظرفيت لوړولو ،  دښځو دحقوقو لپاره دعدالت غوښتنې، سولې او دبشر دحقوقو دتامينولو په برخه کې  دمتمرکزې پراختيا او انکشاف کې څه دپاسه  شل کاله  کاري تجربه لري. آغلې صافۍ خپلې لومړنۍ  مبارزې او فعاليتونه له پنځلس کلنۍ  څخه  دکتابدارې په توګه د مهاجرت له مهاله په پاکستان کې  افغان مهاجرو ښځو لپاره پیل کړې. او وروسته په ملي اونړيوالو  مؤسسو (  دنجات بين المللي کميټه ، د کنټري‌ګرامر مکتب، ډاکار ، دمهاجرت  بين المللي موسسه ، دافغان ښځو  تعليمي مرکز ، دملګروملتو پراختیايي پروګرام ،  دافغان ښځو شبکه ) او په حکومتي کچ یې دسولې عالي شورا داجرائیه غړې په توګه بریالۍ دندې ترسره کړې دي. 
دافغان ښځو په استازيتوب د ښځو حالت د غوره والي په موخه یې د  لندن ، کابل،  دبن دويم او دشيکاګو کنفرانسو سربیره  په  دوديزه لويه جرګه، دسولې  نشراتي جرګه ،  په اوسلو -  ناروي  او قطر کې دسولې دغير رسمي  مستقيمو خبرو ، عالي رتبه کنفرانسونو  او په نورو ملي او نړیوالو ناستو کې فعاله ونډه اخیستې ده ددغو ټولو فعالیتونو له آمله آغلې صافۍ څو ځله تقدیر شوې هم ده چې له ډلې یې د ملالۍ میوندۍ دولتي عالي مډال  او د بي بي خدیجې ایوارډونه د یادولو دي په همدې ډلو N-Peac نړېوالې جایزې ته هم نومانده ده. 
  اسيايي، اروپايي  او امريکايي هېوادونو ته یې رسمي سفرونه کړي دي  او تل يې  هلې ځلې کړې دي  چې دافغان ښځو حالت  منعکس او د بهبود لپاره یې د نړیوالو پاملرنه راو ګرځوي‌.
 آغلې حسینه صافۍ  دښوونې او روزنې  ستره  ملاتړې ده ، هغه په دې باور ده، چې دښوونې او روزنې کيفيت  ديو ملت دپايښت لپاره د حل بنسټیزه  لاره ده . چې دمهارت،  تجربې او تخصص د شریکولو په اساس یې ترلاسه کولای شو. په همدې ډول هغه په  انډوليز شخصي اومسلکي  ژوندانه  عقيده لري .

دکارموندنې اعلان