د اطلاعاتو او کلتور ریاست له شاعرانو او فرهنګپالانو څخه هر اړخیز ملاتړ کوي
پورته څرګندونې د فاریاب د اطلاعاتو او کلتور رئیس مولوي شمس الدین محمدي د دې ولایت له شاعرانو او فرهنګ پالانو سره د غوره فرهنګي او ادبي فعالیتونو ترسره کولو په موخه جوړه شوې ناسته کې وکړې.
دغه راز ښاغلي محمدي دې ولایت کې د شاعرانو او لیکوالانو حضور د ټولنې د عامه افکارو جوړولو برخه کې مهم وبلل او زیاته یې کړه؛ د اطلاعاتو او کلتور ریاست د ټولو شاعرانو، لیکوالانو او فرهنګ پالو ګډ کور دی، له دوی سره به له هیڅ ډول همکاریو څخه درېغ ونه شي او د دوی د آثارو د خپرولو برخه کې پوره همکاري کوو.
د غونډې په ترڅ کې شاعرانو د فرهنګ او ادب برخه کې خپلې ستونزې، وړانديزونه او اړتیاوې بیان کړې، چې د اطلاعاتو او کلتور ریاست د مسؤلینو له لوري يې غوښتنو ته د رسیده ګۍ ژمنه وشوه.
۱۴۴۶/۱۱/۷ ه ق
