د بغلان له سیمه ییزو رسنیو نظارت ترسره شو
د بغلان ولايت د اطلاعاتو او کلتور ریاست مسؤلینو له سیمه ییزو رسنیو د نظارت او د هغوی د ستونزو د اوریدلو په موخه له یو شمیر رسنیو نظارت ترسره کړ.
د اطلاعاتو او کلتور رئیس مولوي اسدالله مصطفی هاشمي د اطلاعاتو د آمر په ملتیا د ملي ټلویزیون، تنویر تلویزیون، ملي رادیو او ارزو رادیو څخه نظارت ترسره کړ، رسنیزې چارې یې وارزولې او د رسنیو استازو ته یې د هر اړخیزې همکارۍ ډاډ ورکړ.
د اطلاعاتو او کلتور رئیس مولوي اسدالله مصطفی هاشمي وویل: له یادو رسنیو څخه یې د نظارت موخه د اسلامي ارزښتونو په رڼا کې د رسنیو د رسنیزو خپرونو پراختیا، په خبري برخه کې رسنیو ته د همکارۍ ډاډ ورکول، د خپرونو د تنظیم لپاره د لازمو سپارښتنو کول او د مطبوعاتي هڅو ستایل وو.
هاشمي زیاته کړه؛ په دغه ولایت کې په دوامداره ډول له سیمه ییزو رسنیو څخه وخت په وخت د نشراتي چارو د لا ښه والي په موخه نظارت ترسره کیږي، څو دغه رسنۍ نور هم د اطلاعاتو او کلتور ریاست سره په همږغۍ خپلې خپرونې تنظیم کړي.
د رسنیو مسؤلینو وویل: دا چاره دوی د غوره فعالیتونو د ترسره کولو لپاره هڅوي، تر څو دوی ګټور فعالیت ترسره کړي.
۱۴۴۶/۶/۲۴ ھ ق
۱۴۰۳/۱۰/۶ ھ ل
