د امارتي ادارو له ویاندویانو او د رسنیو له مسؤلینو سره د همغږۍ غونډه ترسره شوه
د بادغیس ولایت د اطلاعاتو او کلتور ریاست د امارتي ادارو له ویاندویانو او خبریالانو سره د همغږۍ غونډه ترسره کړه.
د اطلاعاتو او کلتور رئیس اخندزاده مولوي مطيع الله متقي، خبريالانو او ویاندویانو ته د ښه راغلاست تر څنګ د اطلاعاتو او کلتور رياست د ټولو رسنيو ګډ کور وباله، نوموړي د افغانستان د اسلامي امارت د مشرتابه یو شمېر فرمانونه او احکام د رسنیو له مسؤلینو سره شریک کړل او د هغو د ګټو په اړه یې لازم توضیحات ورکړل.
ورپسې د ولايت مقام وياند احمد جان حنظله، د امنيه قوماندانۍ وياند صديق الله صديقي، د ملي تلويزيون امر، د عبور خصوصي تلويزيون مسؤل مدیر او يو شمېر نورو د رسنیو لپاره د پروژو ترلاسه کولو پر روڼتیا او پلي کولو او خلکو ته په ښه بڼه د معلومات ورکولو په اړه نظرونه شریک کړل.
۱۴۴۶/۳/۷ ه ق
۱۴۰۳/۶/۲۰ ه ل
