د بغلان په ګزرګاه نور ولسوالۍ کې د ځوانانو د فکري ودې او ذهنیت جوړونې غونډه ترسره شوه
د بغلان د اطلاعاتو او کلتور ریاست له لوري د دې ولایت په ګزرګاه نور ولسوالۍ کې د ځوانانو د فکرې ودې او ذهنیت جوړونې غونډه ترسره شوه او د غونډې ګډونوالو د نوي نسل د فکري روزنې په برخه کې د اطلاعاتو او کلتور ریاست هڅې وستایلې.
د اطلاعاتو او کلتور رئیس مولوي اسدالله مصطفی هاشمي وویل: په دې غونډه کې د سیمې لسګونه ځايي کسانو، ځوانانو او د اطلاعاتو او کلتور ریاست د ښووونیز مرکز ګڼ شمېر زده کوونکو ګډون کړی وو، چې د غوندې په ترڅ کې د ذهنیت جوړونې سربیره د اسلامي شریعت د قوانینو پر بنسټ د ځوانانو د مسؤلیتونو او بیدارۍ په اړه پکښې هر اړخیزې خبرې وشوې.
ښاغلي هاشمي د دې غونډې د ترسره کولو څخه موخه د ځوانانو د فکري ودې او په رضاکارانه فعالیتونو کې د همږغۍ پراختیا یاد کړل او زیاته یې کړه؛ دا ډول غونډې به په دوامداره توګه د ځوانانو د علمي او فکري ظرفیتونو د لوړولو لپاره د عامه ځایونو سربیره په تعلیمي او تحصیلي ادارو کې هم ترسره شي.
د ګزرګاه نور ولسوالۍ ځايي ځوانانو د اطلاعاتو او کلتور رياست له هڅو ستاینه وکړه او له مسؤلينو یې وغوښتل، چې د یادې ولسوالۍ ځوانانو ته زیات پام وکړي.
۱۴۴۶/۹/۱۷ ق
۱۴۰۳/۱۲/۲۷ ل
