د جوزجان د جهادي اثارو د ساتنې مدیریت ته د جهاد له دورې څخه پاتې شوی یو اثر وسپارل شو.

wasim_admin
پنجشنبه ۱۴۰۵/۷/۱۶ - ۱۰:۳۶
..

د جوزجان د اطلاعاتو او فرهنګ ریاست د جهادي اثارو د ساتنې عمومي مدیریت ته د دې ولایت د یوه تن مجاهد عتیق‌الله سلطاني له لوري د ده د پلار شهید تورن امرالله سلطاني موټرسایکل چې د شل کلن جهاد پر مهال کارول شوی و، وسپارل شو.
د جوزجان د اطلاعاتو او فرهنګ رئیس مولوي سیف‌الدین معتصم، د دې اقدام د ستاینې ترڅنګ وویل: هغه اثار او وسایل چې د جهاد په کلونو کې د مجاهدینو له لوري کارول شوي، د هېواد د مهمو تاریخي پېښو یوه برخه څرګندوي او راتلونکو نسلونو ته یې په خوندي توګه لیږد ځانګړی اهمیت لري.
نوموړی زیاته کړه، چې د جهاد له دورې څخه د پاتې شویو اثارو ساتنه، د تاریخي ارزښت د خوندي کولو ترڅنګ، د مجاهدینو او شهیدانو د خاطرو او مبارزو د ثبت او معرفي کولو زمینه هم برابروي.
دغه راز د جهادي اثارو د ساتنې عمومي مدیر عبدالباري احمدي وویل: سپارل شوی موټرسایکل به له ثبت او اړوندو مراحلو تر بشپړېدو وروسته، د دې ریاست د جهادي اثارو په ټولګه کې وساتل شي.
نوموړي د شهیدانو له کورنیو، ډلګی مشرانو او مجاهدینو څخه وغوښتل، چې د شل کلن جهاد له دورې څخه پاتې شوي هغه اثار، وسایل او اسناد چې له دوی سره شته، د اطلاعاتو او فرهنګ ریاست ته د وسپاري، ترڅو په معیاري توګه ثبت او خوندي شي او د تاریخي میراث د یوې برخې او د شهیدانو د یادګارونو په توګه د راتلونکو نسلونو لپاره وساتل شي.
د جوزجان د اطلاعاتو او فرهنګ ریاست مسؤولین ټینګار وکړ، چې د دې ډول اثارو راټولول او ساتنه د تاریخي پېښو په ثبتولو او د هېواد د معاصر تاریخ مهمو پړاونو د اړوندو اسنادو او یادګارونو د له منځه تلو په مخنیوي کې مهم رول لري.

۱۴۴۸/۴/۲۵ هـ ق

تازه خبرونه

یکشنبه ۱۴۰۵/۹/۱ - ۱۵:۱۶
Background image

د نیمروز او سمنګان ولایتونو د اطلاعاتو او فرهنګ ریاستونو ته جهادي آثار وسپارل شول

د نیمروز ولایت د اطلاعاتو او فرهنګ ریاست اړوند جهادي موزیم ته د یاد ولایت د جهادي قومندان مولوي محمد اسماعیل (خالد عمر) له لوري یوه تاریخي وسله، چې د MG 34 (Maschinengewehr 34) په نوم. . .

یکشنبه ۱۴۰۵/۹/۱ - ۱۴:۲۳
Background image

د ځوانانو چارو رئیس د WCC مؤسسې له مسوول سره لیدنه وکړه

د اطلاعاتو او فرهنګ وزارت د جهادي آثارو د ساتنې عمومي ریاست اړوند د ځوانانو چارو رئیس مولوي سید محمد داوود آغا هاشمي، د WCC مؤسسې له مسؤل بصیر میاخیل سره په خپل کاري دفتر کې لیدنه وکړه.. . .

یکشنبه ۱۴۰۵/۹/۱ - ۱۳:۹
Background image

لغمان کې د سیاحتي شرکتونو له استازو سره د همغږۍ ناسته وشوه

د لغمان ولایت د اطلاعاتو او فرهنګ ریاست مسؤلینو د دغه ولایت د سیاحتي شرکتونو له استازو سره د همغږۍ ناسته وکړه.
د اطلاعاتو او فرهنګ رئیس مولوي عبدالنور رسولي وویل: د سیاحت او ګرځندوی. . .

BACK TO NEWS