د جوزجان د جهادي اثارو د ساتنې مدیریت ته د جهاد له دورې څخه پاتې شوی یو اثر وسپارل شو.

wasim_admin
پنجشنبه ۱۴۰۵/۷/۱۶ - ۱۰:۳۶
..

د جوزجان د اطلاعاتو او فرهنګ ریاست د جهادي اثارو د ساتنې عمومي مدیریت ته د دې ولایت د یوه تن مجاهد عتیق‌الله سلطاني له لوري د ده د پلار شهید تورن امرالله سلطاني موټرسایکل چې د شل کلن جهاد پر مهال کارول شوی و، وسپارل شو.
د جوزجان د اطلاعاتو او فرهنګ رئیس مولوي سیف‌الدین معتصم، د دې اقدام د ستاینې ترڅنګ وویل: هغه اثار او وسایل چې د جهاد په کلونو کې د مجاهدینو له لوري کارول شوي، د هېواد د مهمو تاریخي پېښو یوه برخه څرګندوي او راتلونکو نسلونو ته یې په خوندي توګه لیږد ځانګړی اهمیت لري.
نوموړی زیاته کړه، چې د جهاد له دورې څخه د پاتې شویو اثارو ساتنه، د تاریخي ارزښت د خوندي کولو ترڅنګ، د مجاهدینو او شهیدانو د خاطرو او مبارزو د ثبت او معرفي کولو زمینه هم برابروي.
دغه راز د جهادي اثارو د ساتنې عمومي مدیر عبدالباري احمدي وویل: سپارل شوی موټرسایکل به له ثبت او اړوندو مراحلو تر بشپړېدو وروسته، د دې ریاست د جهادي اثارو په ټولګه کې وساتل شي.
نوموړي د شهیدانو له کورنیو، ډلګی مشرانو او مجاهدینو څخه وغوښتل، چې د شل کلن جهاد له دورې څخه پاتې شوي هغه اثار، وسایل او اسناد چې له دوی سره شته، د اطلاعاتو او فرهنګ ریاست ته د وسپاري، ترڅو په معیاري توګه ثبت او خوندي شي او د تاریخي میراث د یوې برخې او د شهیدانو د یادګارونو په توګه د راتلونکو نسلونو لپاره وساتل شي.
د جوزجان د اطلاعاتو او فرهنګ ریاست مسؤولین ټینګار وکړ، چې د دې ډول اثارو راټولول او ساتنه د تاریخي پېښو په ثبتولو او د هېواد د معاصر تاریخ مهمو پړاونو د اړوندو اسنادو او یادګارونو د له منځه تلو په مخنیوي کې مهم رول لري.

۱۴۴۸/۴/۲۵ هـ ق

تازه ترین اخبار

یکشنبه ۱۴۰۵/۹/۱ - ۱۵:۱۷
Background image

آثار جهادی به ریاست‌های اطلاعات و فرهنگ ولایات نیمروز و سمنگان سپرده شدند 

مولوی محمد اسماعیل«خالدعمر» قومندان جهادی ولایت نیمروز اسلحه تاریخی که بنام  MG 34 (Maschinengewehr 34) شناخته می‌شود، به موزیم جهادی ریاست اطلاعات و فرهنگ این ولایت سپرد. این اسلحه از. . .

یکشنبه ۱۴۰۵/۹/۱ - ۱۴:۲۶
Background image

دیدار رییس امور جوانان با مسوول موسسه WCC

مولوی سید محمد داوود آغا هاشمی رییس امور جوانان ریاست عمومی حفظ آثار جهادی وزارت اطلاعات و فرهنگ در دفتر کاری‌اش با بصیر میاخیل مسوول موسسه WCC دیدار کرد.
در این دیدار دو جانب درمورد. . .

یکشنبه ۱۴۰۵/۹/۱ - ۱۳:۸
Background image

برگزاری نشست هماهنگی با نمایندگان شرکت‌های سیاحتی در لغمان 

مسوولان ریاست اطلاعات و فرهنگ ولایت لغمان نشست هماهنگی با نمایندگان شرکت‌های سیاحتی این ولایت راه‌اندازی کرد.
مولوی عبدالنور رسولی رییس اطلاعات و فرهنگ ولایت لغمان بیان کرد که سکتور. . .

BACK TO NEWS