پکتیا کې د تقریري سیالۍ پایلې اعلان شوې
د پکتیا اطلاعاتو او فرهنګ ریاست له لوري چې د کتاب لوستنې او مطالعې دود د پیاوړتیا په موخه د لسګونو زدهکوونکو ترمنځ تقریري سیالي ترسره شوې وه، پایلې اعلان او لس تنو مخکښو ګډونوالو ته یې بېلابېلې ډالۍ ورکړل شوې.
د پکتیا اطلاعاتو او فرهنګ رئیس مولوي ثواب جان اسلامیار د مطالعې پر اهمیت ټینګار وکړ او زیاته یې کړه، چې د اطلاعاتو او فرهنګ ریاست به د کتاب لوستنې فرهنګ د لاپیاوړتیا په موخه اړینې اسانتیاوې برابرې کړي، ترڅو ځوانان له علمي او فکري پلوه لا پیاوړي شي.
دغه راز د هنر او فرهنګ آمر د مطالعې ارزښت ته په اشارې وویل: کتاب لوستنه د ټولنې د فکري ودې بنسټ جوړوي او هڅه کېږي، چې د عامه کتابتونونو له لارې د زدهکوونکو لپاره د مطالعې زمینه لا پراخه شي، همداراز د اطلاعاتو آمر د یادې ازموینې د شفافیت په اړه ډاډ څرګند کړ او د ځوان نسل د هڅونې او استعدادونو د راویښولو په موخه یې علمي او فرهنګي پروګرامونه جوړول مهم وبلل.
۱۴۴۷/۱۱/۱۹ هـ ق