پوهاند محمد رسول باوري: د اطلاعاتو او فرهنګ وزارت د فرهنګي پروژو په تطبيق کې له تمويلوونکو سره همکار دى.

farzad
یکشنبه ۱۳۹۹/۷/۲۰ - ۹:۵۹
پوهاند محمد رسول باوري: د اطلاعاتواوفرهنګ وزارت د فرهنګي پروژو په تطبيق کې له تمويلوونکو سره همکار دى.

د اطلاعاتواوفرهنګ وزارت د فرهنګ او هنر معين پوهاند محمد رسول باوري نن د يونسکو د پروژو له رييس سره وکتل. د باختر آژانس د خبرله مخې؛ په دې کتنه کې د باميانو د بټانو د نړيوال فرهنګي ميراثونو د بيا رغاونې د پروژې د عملياتي پلان په اړه خبرې اترې وشوې. پوهاند پاوري د باميانو د بټانو د عملياتي پلان د تطبيق په اړه چې د جاپان له خوا تمويلېږي وويل چې د دغې پروژې کار د فرهنګ او هنر له معينيت سره په تفاهم کې پرمخ وړل کېږي. دغه راز په دې کتنه کې د غور د جام څلې د ترميمولو د پروژې د پيل په اړه چې د جاپان له خوا تمويلېږي خبرې وشوې. د يونسکو استازي په دې اړه و ويل چې د بهرنيو شرکتونو غوښتن ليکونه د څيړنې په حال کې دي چې ډير ژر به وروستۍ تصميم ونيول شي. دغه راز د باميانو د لرغوني پارک د پروژې د کار د پيل په اړوند چې د ايټاليا له خوا تمويلېږي خبرې وشوې. په دې مورد کې پوهاند باوري وويل چې د اطلاعاتو او فرهنګ وزارت د فرهنګ او هنر معينيت د دغو پروژو د تطبيقولو په برخه کې به له تمويلووونکو سره له هيڅ راز همکارى څخه ډده ونه کړي.

کابل/ دتلي ٢٠مه / باختر

تازه خبرونه

چهارشنبه ۱۳۹۹/۷/۳۰ - ۹:۴۴
Background image

په بلخ کې د شاعرانو او ليکوالانو ټولنه جوړه شوه

د ځوانو شاعرانو او ليکوالانو ټولنې نن په بلخ کې په فعاليت پيل وکړ. دغه ټولنه د اطلاعاتو او فرهنګ وزارت د ځوانانو د چارو معينيت په همکارى په مزارشريف ښار کې د مولانا خال محمد خسته د. . .

چهارشنبه ۱۳۹۹/۷/۳۰ - ۹:۴۰
Background image

پوهاند محمد رسول باوري د هېواد د ناملموس فرهنګي ميراثونو د ثبت د بهير په ګړندي کولو ټينګار وکړ

د اطلاعاتو او فرهنګ وزارت د فرهنګ او هنر معين پوهاند محمد رسول باوري په مشرۍ نن د فرهنګي ناملموسو ميراثونو کمېټې غونډه وکړه .
د باختر اژانس د خبريال د خبرله مخې؛  په دې غونډه کې  د. . .

چهارشنبه ۱۳۹۹/۷/۳۰ - ۹:۳۳
Background image

فدا: د ازبکي ژبې نمانځل د افغان قومونو یووالی ثابتوي

کونړیان وايي چې د ازبکي ژبې نمانځل په افغانستان کې د مېشتو قومونو یووالی ثابتوي او د هېواد  د هرې ژبې ویونکی افغان دی.
د باختر اژانس د سیمه ييز خبریال د خبر له مخې؛ دغه څرګندونې د کونړ. . .

BACK TO NEWS