پوهاند باوري په بلخ کې د نل ليکې په تګلوري کې د لرغونو سيمو پرساتنې ټينګار وکړ
د اطلاعاتو او فرهنګ وزارت د فرهنګ او هنر معين وايي چې د لرغونو ساحو د ساتنې په خاطر د فرهنګي ميراثونو د ساتنې د قانون له مخې اجراات وشي.
د باختر اژانس خبريال د خبرله مخې؛ د اطلاعاتو او فرهنګ وزارت د فرهنګ او هنر معين پوهاند محمد رسول باوري په بلخ کې د داينامک ويژن موسسې له مسوولينو سره له مزار شريف ښار څخه تر شبرغان پورې د ګازو د نل ليکې د لېږدونې په اړه خبرې وکړې.
باوري وويل چې د فرهنګي ميراثونو لرونکو ساحو کې د څېړنوپه ترسره کولو کې د تاريخي ابداتو او د لرغونو سيمو د ساتنې په خاطر د هر راز جوړولو مخکې چې د نل ليکې په تګلوري کې موقعيت لري، د فرهنګي ميراثونو ساتنې د قانون له مخې اجراات ترسره شي.
کابل / دتلي ١٤مه / باختر
