په هلمند کې د سلطان مسعود تاريخي ودانى د غاصبينو له منګولو وژغورل شوه

farzad_moicgovaf
پنجشنبه, دسمبر 09 2021 2:01 PM
په هلمند کې د سلطان مسعود تاريخي ودانى دغاصبينو له منګولو وژغورل شوه

په هلمند کې د سلطان مسعود غزنوي تاريخي ودانى د غاصبانو له منګولو ازاده شوه.
دغه ودانى چې ١٣٠٠ کلنه لرغونتيا لري د هلمند د مرکز لښکرګاه ښار ته څېرمه موقعيت لري. او هغې ته د نه پاملرنې او د وخت د تيرېدو په دليل د نړېدو په حال کې دى.
په وروستيو کلونو کې په لسګونو جګړه ځپلو او بېوزلو کورنيو د دغې تاريخي ودانى په ځينو سيمو کې ځاى پرځاى شوي و اوژوند يې کاوه.
يوشمېر دغو کورنيو د سلطان مسعود غزنوي د ودانى په انګر کې د خونو په جوړولو لاس پورې کړې دې.
د هلمند د اطلاعاتو او فرهنګ رياست مسوولين وايي چې په دې بريالي شوي دي چې دغه تاريخي ودانى د غاصبانو له منګولو وژغوري.
اوس د سلطان مسعود غزنوي د تاريخي ودانى د ترميمولو او بيا رغاونې لپاره هڅې دوام لري.
د هلمند د اطلاعاتو او فرهنګ رياست د فرهنګي ميراثونو د څانګې يو مسوول باختر اژانس ته وويل: له هغه وروسته چې دغه تاريخي ودانى مو د غاصبانو له شره وژغورله اوس هلې ځلې کوو چې د هغه د ترميمولو او ساتنې لپاره مالي منابع پيدا کړو.
هغه وويل، د اطلاعاتو او فرهنګ وزارت د دغې تاريخي ودانى د ترميمولو لپاره هڅي پيل کړي دي.
ټآکل شوي ده دغه تآريخي آثآر د تاريخي لرغونتيا او د معماري اصالت په ساتنې سره ترميم شي.
سلطان مسعود غزنوي د سلطان محمود غزنوي زوى و چې له ٤٢١ هجري کال څخه تر ٤٣٢ کال پورې حګومت وکړ.
د سلطان محمود غزنوي په مړينې سره د هغه د وصيت له مخې د هغه زوى محمد د هغه ځاى ناستې شو خو مسعود چې تل ځان د پلار برحقه ځاى ناستې باله وکولاى شول له جګړې پرته خپل ورور ونيسي او هغه ړوند کړي او په خپله د چارو واک يې په لاس کې واخيست.
د مسعود لنډ مهالې سلطنت له پيل څخه تر پاى پورې د درباريانو د ډول ډول توطيو او دهغو کسانو ترمنځ د دايمي تاوتريخوالي ډګر و چې د سلطان محمود له وخت څخه د هغه په دربارکې نفوذ کړي و.
افغانستان په بډاى تاريخ او د سترو تمدنونو په تېرېدو سره زيات تاريخي ودانى لري.
هغه ودانى چې خپله د تاريخ په اوږدوکې د دغه هېواد ستر ښکارندوي دى.

کابل/ د ليندې ١٦ مه/ باختر

تازه خبرونه

سه شنبه, اکتوبر 04 2022 3:29 PM
Background image

ملاخیرالله خیرخواه د اروپايي ټولنې له ځانګړي استازي سره وکتل

د اطلاعاتو او فرهنګ وزارت سرپرست ملا خیرالله خیرخواه نن د افغانستان لپاره د اروپايي ټولنې له ځانګړي استازي توماس نیکولسن او د افغانستان لپاره د اروپايي ټولنې له ستر سیاسي سلاکار جیني. . .

یکشنبه, اکتوبر 02 2022 3:31 PM
Background image

د جهاد د ارزښتونو د ساتنې په نامه ریاست جوړ شو

د اطلاعاتو او فرهنګ وزارت په آډانه کې د افغانستان د خلکو د جهاد د ارزښتونو د ساتنې په موخه ریاست جوړ شو او نن یې په کار پیل وکړ.
 د رياست الوزرا په لارښوونه د جهاد د ارزښتونو د ساتنې. . .

چهارشنبه, سپتمبر 28 2022 3:00 PM
Background image

ملا خیرالله خیرخواه: په افغانستان کې اسلامي نظام واکمن شوی دی، خو ساتنه او تقویت یې زموږ ګډ مسوولیت دی

د  اطلاعاتو او فرهنګ وزارت د خپرونو چارو معینیت، نن د امارتي وزارتونو او مستقلو ادارو له ویاندویانو سره د همغږۍ غونډه  وکړه.

د باختر آژانس خبریال د خبر له مخې؛ د کابل په بابر بڼ کې په. . .

BACK TO NEWS