ننګرهار کې د کلتور ښوونیز مرکز له MOS پروګرام څخه لسګونه تنه فارغ شول
د ننګرهار ولایت د اطلاعاتو او کلتور ریاست له کلتور ښوونیز مرکز څخه د ( Microsoft office Specialis ) په برخه کې له شپږ میاشتني روزنیز پروګرام څخه ۶۰ تنه فارغ شول.
دغه فراغت غونډه کې د ننګرهار اطلاعاتو او کلتور ریاست رئیس قاري احسان الله ساجد، د ځوانانو چارو امر قاري محمد اصف زهیر او د اطلاعاتو امر مولوي صدیق الله قریشي ګډون کړی او فارغه زده کوونکو ته یې د مبارکۍ ترڅنګ د لا نور پرمختګ او زده کړو ترسره کولو هیله وکړه.
فارغه زده کوونکو د ننګرهار له اطلاعاتو او کلتور ریاست څخه د دغه ډول فرصتونو د برابرولو له امله مننه وکړه او د راتلونکیو دورو لپاره یې خپلې غوښتنې او وړاندیزونه له مسوولینو سره شریک کړل.
۱۴۴۶/۳/۷ ه ق
۱۴۰۳/۶/۲۰ ه ل
