ملاخیرالله خیرخواه د اروپايي ټولنې له ځانګړي استازي سره وکتل

moic_admin
سه‌شنبه ۱۴۰۱/۷/۱۲ - ۱۵:۲۹
Khairkhwa-EU-Metting-Moic

د اطلاعاتو او فرهنګ وزارت سرپرست ملا خیرالله خیرخواه نن د افغانستان لپاره د اروپايي ټولنې له ځانګړي استازي توماس نیکولسن او د افغانستان لپاره د اروپايي ټولنې له ستر سیاسي سلاکار جیني ګرین سره په خپل کاري دفتر کې وکتل.
دواړو لوریو په افغانستان کې د سیاسي بدلونونو ترڅنګ پر بېلابېلو مسایلو خبرې اترې وکړې.
سرپرست وزیر یادو کسانو ته د ښه راغلاست ترڅنګ وویل، چې اسلامي امارت د اسلامي ارزښتونو او د هېواد د ملي مصالحو په نظر کې نیولو سره د بیان او رسنیو ازادۍ ته پوره ژمنتیا لري.
خیرخواه همدارنګه د اروپايي ټولنې د ستر سیاسي سلاکار څخه له رسنیو، رسنیزو بنسټونو او افغان خبریالانو سره د اقتصادي مرستو غوښتنه وکړه.
د اطلاعاتو او فرهنګ سرپرست وزیر راغلو مېلمنو ته د (رسنیزو شکایتونو او سرغړونو ته د رسېدنې کمېسیون) په اړه معلومات او ډاډ ورکړ، چې اسلامي امارت به تر خپلې وسې د رسنیو او خبریالانو د ستونزو د حل په موخه هلې ځلې وکړي.
په ورته وخت کې توماس نیکولسن د رسنیو او د بیان ازادۍ ته د اسلامي امارت د ژمنتیا له کبله خوښي څرګنده کړه.
هېره دې نه وي، چې د افغانستان لپاره د اروپايي ټولنې ځانګړي استازي تر دې وړاندې د بهرنیو چارو او پوهنې وزارتونو له سرپرستانو سره هم کتلي وو.

تازه خبرونه

پنجشنبه ۱۴۰۱/۹/۳ - ۱۴:۳۵
Background image

د اطلاعاتو او فرهنګ وزارت نشراتي معین د ازادۍ مطبعې څخه لیدنه وکړه

نن پنجشنبه ۱۴۰۱/۹/۳ هـ ش د اطلاعاتو او فرهنګ وزارت نشراتي معین ښاغلي "مهاجر فراهي"، د دولتي ازادۍ مطبعې څخه لیدنه وکړه، چې پرمهال یې د چاپي رسنیو رئیس ښاغلي "نبیل"، د مطبعې رئیس ښاغلي. . .

دوشنبه ۱۴۰۱/۸/۳۰ - ۱۳:۳۵
Background image

د نومبر د ۲۱ مه د ټلویزیون د نړیوالې ورځې د نمانځلو په مناسبت د افغانستان اسلامي امارت د اطلاعاتو او فرهنګ وزارت پیغام

د اطلاعاتو او فرهنګ وزارت د اسلامي او ملي ارزښتونو په نظر کې نیولو سره د بیان ازادۍ او د عامه رسنیو بشپړ ملاتړ او اطلاعاتو ته د لاسرسي په برخه کې ژمن دی. ټلویزیون چې د رسنیو یو له مهمو. . .

پنجشنبه ۱۴۰۱/۸/۱۹ - ۱۰:۹
Background image

د اطلاعاتو او کلتور وزارت د ځوانانو چارو معین هرات ولایت ته سفر کړی

د اطلاعاتو او کلتور وزارت د ځوانانو چارو معین ښاغلي قاري محمد یونس راشد هرات ولایت ته سفر کړی او هلته یې د هرات ولایت د اطلاعاتو او کلتور ریاست له مسئولینو سره لیدلي.
ښاغلي راشد ویلي،. . .

BACK TO NEWS