محمد طاهر زهير د باختر اطلاعاتي آژانس پرمختللى وېب سايټ پرانیست

farzad_moicgovaf
دوشنبه ۱۴۰۰/۲/۱۳ - ۱۱:۳۵
محمد طاهر زهير د باختر اطلاعاتي آژانس پرمختللى وېب سايټ پرانیست

د اطلاعاتو او فرهنګ وزارت سرپرست محمد طاهر زهير نن د مطبوعاتو د آزادۍ نړيوالې ورځې په مناسبت د “باختر اطلاعاتي آژانس” پرمختللى وېب سايټ پرانیست.
د باختر آژانس خبريال د خبر له مخې؛ په هغې غونډه کې چې په همدې مناسبت د اطلاعاتو او فرهنګ وزارت د خپرونو چارو د معين عبدالمنان شېواى شرق، يوشمېر حکومتي مسوولينو او د رسنيزو بنسټونو د استازو او يوشمېر مسوولينو په ګډون د اطلاعاتو او فرهنګ وزارت د مطبوعاتو د نړيوال مرکز په تالار کې جوړه شوه؛ د اطلاعاتو او فرهنګ وزارت سرپرست د مطبوعاتو د آزادۍ نړيوالې ورځې په مناسبت د هېواد ټولو خبريالانو او د مطبوعاتو او رسنیزې ټولنې کارکوونکو ته مبارکي وويله او د هېواد د رسنيو د کارونو قدرداني وکړه.
د اطلاعاتو او فرهنګ وزارت سرپرست په هېواد کې د اطلاع رسونې په کار کې د باختر اطلاعاتي آژانس نقش مهم وباله او د اطلاع رسونې، رسنیز کار او د خبرونو د خپرولو په لاره کې یې د باختر اطلاعاتي آژانس د رييس نجيب الله شينواري او د دغه خبري آژانس د ټولو خبريالانو او کارکوونکو د هلوځلو له امله مننه او قدرداني وکړه.
هغه څرګنده کړه چې د بيان او مطبوعاتو آزادي په آسانۍ سره نه ده ترلاسه شوې او د مطبوعاتو آزادۍ ته د رسېدو په لاره کې د هېواد رسنیزې ټولنې پرله پسې هلې ځلې کړې او قربانۍ يې کړې دي او د هېواد د رسنيو د کارکوونکو هڅې د قدر وړ دي.
محمد طاهر زهير د باختر اطلاعاتي آژانس د وېب سایټ پراختيا يو ستر برياليتوب وباله او د اطلاع رسونې او رسنیز کار په لاره کې يې د دغه خبري آژانس مشرتابه او خبريالانو ته د زياتو برياليتوبونو او پرمختګونو هيله وکړه.
دغه راز د اطلاعاتو او فرهنګ وزارت سرپرست د باختر اطلاعاتي آژانس د پرمختللي وېب سايټ په پرانیستغونډه کې ټينګار وکړ چې دغه وزارت د خبريالانو او د هېواد د رسنیزې ټولنې ملاتړى دى.
په همدې ترتيب د باختر اطلاعاتي آژانس د وېب سايټ د تخنيکي برخې مسوول احمد وليد خالقي د باختر اطلاعاتي آژانس د پرمختللي وېب سايټ په اړه معلومات ورکړل او ويې ويل چې پرمختللی وېب سايټ پنځه مهمې برخې لري او د دري، پښتو او انګليسي ژبو ترڅنګ، عربي او روسي ژبې هم پکې زياتې شوې دي.
هغه زياته کړه چې د فېسبوک او ټويتر پاڼو پراختيا او دغه راز “ملي دومېن .af ته د “تجارتي دومېن” لېږدول او د باختر اطلاعاتي آژانس د وېب سايټ د تخنيکي برخو پراختيا هم د وېب سايټ له پرمختللو برخو څخه ده.

کابل/ د غويي ١۳ مه/ باختر

تازه خبرونه

شنبه ۱۴۰۰/۳/۲۲ - ۱۶:۴۴
Background image

محمد طاهر زهير او يوشمېر حکومتي مسوولينو د پوهاند باوري مړي ته درناوی وکړ

د اطلاعاتو او فرهنګ وزارت سرپرست محمد طاهر زهير نن د دغه وزارت د پخواني معين پوهاند محمد رسول باوري مړي ته په درناوي سره، د هغه روح ته دعا وکړه.

د باختر آژانس خبريال د خبر له مخې؛ د. . .

شنبه ۱۴۰۰/۳/۲۲ - ۱۰:۳۶
Background image

د اطلاعاتو او فرهنګ وزارت د پخواني معين او د کابل پوهنتون د استاد پوهاند محمد رسول باوري پر مړينې د اطلاعاتو او فرهنګ وزارت د سرپرست محمد طاهر زهير د خواخوږۍ او ډاډګيرنې پيغام

په ژورې خواشینۍ سره مې خبر ترلاسه کړ چې د اطلاعاتو او فرهنګ وزارت د فرهنګ او هنر  پخوانى معين، د کابل پوهنتون استاد، لرغونپوه او د هېواد پېژندل شوي فرهنګي شخصيت پوهاند محمد رسول باوري د. . .

چهارشنبه ۱۴۰۰/۳/۱۹ - ۲۰:۵۵
Background image

د اطلاعاتو او فرهنګ وزارت د استاد محمد حسین سرآهنګ ۳۹ تلین ونمانځه

د اطلاعاتو او فرهنګ وزارت نن په ملي ګالري کې د موسیقۍ د سرتاج ارواښاد استاد محمد حسین سر آهنګ ۳۹ تلین ونمانځه.

د اطلاعاتو او فرهنګ وزارت سرپرست محمد طاهر زهیر په دې نمانځغونډه کې د. . .

BACK TO NEWS