محمدطاهرزهیر: د افغانستان د معلوماتي ټولګې خپرول یو وېب سایټ ته اړتیا لري

farzad
پنجشنبه ۱۳۹۹/۶/۲۰ - ۹:۴۱
محمدطاهرزهیر: د افغانستان د معلوماتي ټولګې خپرول یو وېب سایټ ته اړتیا لري

د اطلاعاتو اوفرهنګ وزارت سرپرست اونوماند وزیر محمد طاهر زهیر د افغانستان د معلوماتي ټولګې په اړه د جمهوري ریاست د سپارښتنې د تعقیب په موخه د مخابراتو او معلوماتي تکنالوژۍ وزارت له تخنیکي معین احمدمسعود لطیف رای سره ناسته وکړه.

په دې ناسته کې چې د اطلاعاتو اوفرهنګ وزارت د پالیسۍ او پلان رییس عبدالمقیم افغان او د دغه وزارت د معلوماتي تکنالوژۍ آمر هم په کې ګډون لاره، د اطلاعاتو اوفرهنګ وزارت سرپرست او نوماند وزیر محمدطاهر زهیر وویل: د جمهوري ریاست په لارښوونه د اطلاعاتو اوفرهنګ وزارت تر نظرلاندې او د نورو وزارتونو او ادارو د صلاحیت لرونکو استازیو په غړیتوب یوې کمېټې ته دنده سپارل  شوېده چې د افغانستان په اړه رسمي معلومات راټول کړي، بیا هغه توحید او خپاره کړي.

همدارنګه کله چې د افغانستان رسمي معلومات بشپړشي، نو موظفه کمېټه به هغه جمهوررییس ته وړاندې کړي. د اطلاعاتو اوفرهنګ وزارت سرپرست زیاته کړه چې د هېواد د جمهوررییس له لارښوونې سره سم باید د معلوماتو دا ټولګه د هېواد په کچه برابره شي او دا معلومات باید د افغانستان یوه بشپړه هنداره وي. ده زیاته کړه چې دا معلومات باید بېلابېلې برخي لکه فرهنگ، ټولنه، تاریخ، جاذبې، د  خلکو دودونه او رواجونه او ټول هغه څه چې زموږ د خلکو او هېواد د ملي هویت ښکارندویي کوي، راونغاړي.

محمد طاهرزهیر وویل چې د افغانستان د معلوماتو ټولګې خپرول د یو وېب سایټ جوړولو ته اړتیالري چې د مخابراتو او معلوماتي تکنالوژۍ وزارت به په دې برخه کې له اطلاعاتو اوفرهنګ وزارت سره همکاري وکړي.

وروسته د مخابراتو او معلوماتي تکنالوژۍ وزارت تخنیکي معین احمدمسعودلطیف رای په خپلو خبرو کې د احصائیې له ریاست سره په همغږۍ کې د افغانستان د معلوماتو ټولګې د خپرولو لپاره د وېب سایټ په جوړولو کې د خپل وزارت د هراړخیزې همکارۍ ډاډ ورکړ.

همدارنګه د ناستې ګډونوالو د ښومعلوماتو د راټولولو او چمتوکولو په اړه خپلې نظریې او وړاندیزونه مطرح کړل.
کابل/ د وږي ۱۸مه/ باختر

تازه خبرونه

چهارشنبه ۱۳۹۹/۶/۲۶ - ۹:۲۳
Background image

د باختر اطلاعاتي آژانس مقرره بشپړه شوه

د باختر اطلاعاتي آژانس مقرره نن د موظف کمېسيون په غونډه کې چې د اطلاعاتو او فرهنګ وزارت د ستر حقوقي سلاکار دلاور نذيرزوى په مشرۍ جوړه شوه، بشپړه شوه. د اطلاعاتو او فرهنګ وزارت مشرتابه د. . .

چهارشنبه ۱۳۹۹/۶/۲۶ - ۹:۱۶
Background image

عبدالمنان شېواى شرق په پرتمين ډول د افغانستان – ايران د کتاب د نړيوال نندارتون پر جوړولو ټينګار وکړ

د اطلاعاتو او فرهنګ وزارت د خپرونو چارو د معين عبدالمنان شېواى شرق په مشرۍ نن د افغانستان – ايران د کتاب د نړيوال نندارتون د جوړولو لپاره د تياري غونډه په کابل کې جوړه شوه.
د باختر. . .

سه‌شنبه ۱۳۹۹/۶/۲۵ - ۱۰:۱۵
Background image

محمد طاهر زهير د سيمه ييزو ارګانونو د خپلواکې ادارې له رييس سره د همکارۍ هوکړه ليک لاسليک کړ

د اطلاعاتو او فرهنګ وزارت نوماند وزير او سرپرست محمد طاهرزهير نن د سيمه ييزو ارګانونو خپلواکې ادارې له رييس شميم خان کټوازي سره د فرهنګي ميراثونو د ساتنې په موخه د همکارۍ هوکړه ليک. . .

BACK TO NEWS