مجاهد: هېچا ته به اجازه ورنه کړي چې تاریخي سیمې خپل شخصي ملکیتونه وګرځوي

farzad_moicgovaf
شنبه ۱۴۰۰/۱۲/۱۴ - ۱۴:۲
مجاهد: هېچا ته به اجازه ورنه کړي چې تاریخي سیمې خپل شخصي ملکیتونه وګرځوي

د افغانستان د اسلامي امارت ویاند او د اطلاعاتو او فرهنګ وزارت د خپرونو چارو معین ذبیح الله مجاهد وايي چې د ټولو تاریخي سیمو او آثارو ساتنې ته به ځانګړې پاملرنه کېږي.

دغه څرګندونې د افغانستان د اسلامي امارت ویاند او د اطلاعاتو او فرهنګ وزارت د خپرونو چارو معین ذبیح الله مجاهد نن په هلمند کې د باختر آژانس له سیمه ییز خبریال سره په ځانګړې مرکې کې وکړې.

نوموړي وویل چې د اطلاعاتو او فرهنګ له وزیر مولوي خیرالله خیرخواه، د فرهنګ او هنر معین مولوي عتیق الله عزیزي او د ځوانانو چارو معین ملا فیض الله تمیم  سره هلمند ته په دې موخه په رسمي سفر راغلی چې په دغه ولایت کې ځینې تاریخي آبدې وګوري او اړوند مسوولینو ته د فرهنګي میراثونو او تاریخي کلاګانو د ساتنې په برخه کې جدي سپارښتنې وکړي.

ښاغلی مجاهد وایي چې اسلامي امارت د تاریخي آبداتو د ساتنې په برخه کې جدي اقدامات کوي، چې په وینا یې د تاریخي سیمو د بیا رغونې لپاره یې له نړیوالو هم غوښتنې کړي او ځنیو نړیوالو موسسو ورسره ژمنې کړي چې هغه تاریخي آبدات چې د ویجاړېدو له ګواښ سره مخ دي، ورغوي.

هغه زیاته کړه: هیچا ته به اجازه ورنه کړي چې تاریخي ځایونه خپل شخصي ملکیتونه وګرځوي، ابادۍ پکې وکړي او یا یې هم غصب کړي.

د یادونې وړ ده چې په هلمند کې ۸۰ تاریخي کلاګانې شته چې ۲۱ یې په مرکز لښکر ګاه کې دي.

کابل/ د کب ۱۴ مه/ باختر

تازه خبرونه

چهارشنبه ۱۴۰۱/۷/۶ - ۱۵:۰
Background image

ملا خیرالله خیرخواه: په افغانستان کې اسلامي نظام واکمن شوی دی، خو ساتنه او تقویت یې زموږ ګډ مسوولیت دی

د  اطلاعاتو او فرهنګ وزارت د خپرونو چارو معینیت، نن د امارتي وزارتونو او مستقلو ادارو له ویاندویانو سره د همغږۍ غونډه  وکړه.

د باختر آژانس خبریال د خبر له مخې؛ د کابل په بابر بڼ کې په. . .

چهارشنبه ۱۴۰۱/۷/۶ - ۱۴:۰
Background image

نمایشگاه آثار هنری ” نقاشی و رسامی نفس تازه” افتتاح شد

مولوی سعد الدین سعید معین مالی، اداری و گرځندوی وزارت اطلاعات وفرهنگ، امروز نمایشگاه آثار هنری ” نقاشی و رسامی نفس تازه” را در نگارستان ملی افتتاح کرد .

به گزارش خبرنگار آژانس باختر؛. . .

سه‌شنبه ۱۴۰۱/۷/۵ - ۱۶:۰
Background image

اطلاعاتو او فرهنګ وزارت د ګرځندوی نړېواله ورځ ونمانځله

د رياست الوزرا اداري مرستیال مولوي عبدالسلام حنفي د ګرځندوی د نړیوالې ورځې په نمانځغونډه کې وویل چې اوس په افغانستان کې د ګرځندوی او د ګرځندوی صنعت د ودې لپاره ښه زمینه برابره شوې ده.

. . .

BACK TO NEWS