مجاهد: اسلامي امارت به له پانګه والو او سوداګرو هېڅ ډول امکانات درېغ نه کړي

farzad_moicgovaf
شنبه ۱۴۰۱/۱/۶ - ۱۳:۱۷
مجاهد: اسلامي امارت به له پانګه والو او سوداګرو هېڅ ډول امکانات درېغ نه کړي

د افغانستان اسلامي امارت ویاند او د اطلاعات او کلتور وزارت د خپرونو چارو معین په قندهار کې د “سنو فارما” د درملو تولیدي فابریکه وکته او له پانګه والو یې غوښتنه وکړه چې په هېواد کې پاتې شي.
د اسلامي امارت ویاند او د اطلاعات او کلتور وزارت د خپرونو چارو معین په قندهار کې د درملو د لويې او معیاري فابريکې موجودیت د ټولو هېوادوالو له پاره د وياړ ځای یاد کړ او خوښي یې څرګنده کړه، چې د “سنوفارما” په څېر لويې فابریکې په هېواد کې فعالیت کوي او له لارې یې زرګونو کسانو ته په مستقیم او غیر مستقیم ډول د کار زمينه برابره شوې ده.
ښاغلي مجاهد زياته کړه، چې د “سنو فارما” درملو توليدي فابریکه به تر ډېره ځایه د هېواد په کچه د درملو ستونزه حل او د وخت په تېرېدو سره به یې تولید شوي درمل تر نورو هېوادونو پورې ورسيږي، چې دا د اسلامي امارت لويه هیله هم ده.
هغه د اسلامي امارت په استازیتوب پانګه والو او سوداګرو ته د بشپړې همکارۍ ډاډ ورکړ او له ټولو سوداګرو او پانګه والو څخه یې مننه وکړه، چې په هيواد کې دننه پانګونه کوي، کاري فرصتونه را منځته کوي او فابریکې جوړوي.
ښاغلي مجاهد وویل چې اسلامي امارت به سوداګرو ته د اسانتياوو په برابرولو کې د امکان تر حده له هغوی څخه هېڅ ډول امکانات درېغ نه کړي.
د اسلامي امارت ویاند او د اطلاعات او کلتور وزارت د خپرونو چارو معین له ټولو سوداګرو او پانګه والو څخه وغوښتل، چې په هېواد کې پاتې شي او د خپل وطن په جوړولو کې برخه واخلي او د افغانستان جوړول، پرمختګ او آبادول یې د ټولو هېوادوالو ګډ مسوولیت وباله.

کابل/ د وري ۶ مه/ باختر

تازه خبرونه

چهارشنبه ۱۴۰۱/۷/۶ - ۱۵:۰
Background image

ملا خیرالله خیرخواه: په افغانستان کې اسلامي نظام واکمن شوی دی، خو ساتنه او تقویت یې زموږ ګډ مسوولیت دی

د  اطلاعاتو او فرهنګ وزارت د خپرونو چارو معینیت، نن د امارتي وزارتونو او مستقلو ادارو له ویاندویانو سره د همغږۍ غونډه  وکړه.

د باختر آژانس خبریال د خبر له مخې؛ د کابل په بابر بڼ کې په. . .

چهارشنبه ۱۴۰۱/۷/۶ - ۱۴:۰
Background image

نمایشگاه آثار هنری ” نقاشی و رسامی نفس تازه” افتتاح شد

مولوی سعد الدین سعید معین مالی، اداری و گرځندوی وزارت اطلاعات وفرهنگ، امروز نمایشگاه آثار هنری ” نقاشی و رسامی نفس تازه” را در نگارستان ملی افتتاح کرد .

به گزارش خبرنگار آژانس باختر؛. . .

سه‌شنبه ۱۴۰۱/۷/۵ - ۱۶:۰
Background image

اطلاعاتو او فرهنګ وزارت د ګرځندوی نړېواله ورځ ونمانځله

د رياست الوزرا اداري مرستیال مولوي عبدالسلام حنفي د ګرځندوی د نړیوالې ورځې په نمانځغونډه کې وویل چې اوس په افغانستان کې د ګرځندوی او د ګرځندوی صنعت د ودې لپاره ښه زمینه برابره شوې ده.

. . .

BACK TO NEWS