غور کې له محلي رسنیو سره د عاليقدر امیرالمؤمنین حفظه الله تعالی د ۱۷ مې ګڼې فرمان د انعکاس په موخه د همغږۍ ناسته وشوه
د غور ولایت د اطلاعاتو او کلتور ریاست مسؤلينو له خبریالانو او د محلي رسنیو له مسؤلینو سره د عالیقدر اميرالمؤمنیين حفظه الله تعالی د ۱۷ مې ګڼې فرمان د موضوعاتو د انعکاس په موخه د همغږۍ ناسته وکړه، چې موخه یې د ناسمو رواجونو او بې ځایه لګښتونو مخنیوی وو.
د اطلاعاتو او کلتور رئیس مولوي عبدالحی زعیم له ټولو خبریالانو او رسنیو څخه غوښتنه وکړه، چې د یاد فرمان د محتوا انعکاس ته پام وکړي، ځکه چې د فرمان ټول موارد د ولس د خیر، بریاليتوب او ګټې لپاره دي، باید د رسنیو له لارې خلکو ته ورسول شي.
ښاغلي زعیم زیاته کړه؛ باید ټولې رسنۍ د دې فرمان د مواردو په اړه بېلابېلې خپرونې چمتو او خپرې کړي.
په ناسته کې د غور ولایت د محلي رسنیو مسؤلینو ډاډ ورکړ، چې د عاليقدر امیرالمؤمنین حفظه الله تعالی د ۱۷ مې ګڼې فرمان د ټولو مواردو په انعکاس کې به جدي هڅې وکړي او دې برخه کې به هېڅ راز هڅې ونه سپموي.
۱۴۴۷/۱/۱۲ هـ ق
