د ملا فيض محمد کاتب هزاره د نويیم تلین درناوى وشو

farzad_moicgovaf
چهارشنبه ۱۳۹۹/۱۰/۱۷ - ۱۴:۱۷
د ملا فيض محمد کاتب هزاره د نويیم تلین درناوى وشو

په اطلاعاتو او فرهنګ وزارت کې نن د ملا فيض محمد کاتب هزاره د نوييم تلین درناوى وشو.
د باختر آژانس د خبر له مخې؛ په دې غونډه کې د اطلاعاتو او فرهنګ وزارت مالي، اداري او ګرځندوی معينې پوهنيارې سيدې مژګان مصطفوي وويل چې فیض محمد کاتب هزاره د افغانستان د معاصر تاريخ یو پياوړی ليکوال و او له هغه څخه زيات آثار پاتي دي چې سراج التواريخ د هغه له تلپاتو آثارو څخه دى.
هغې زياته کړه چې د یو هېواد هويت او ازرښت د هغه په تاريخ پورې تړاو لري.
دغه راز په غونډه کې د اطلاعاتو او فرهنګ وزارت د خپرونو چارو معين عبدالمنان شېواى شرق وويل چې د افغانستان تاريخ بيا کتنې ته اړتيا لري.
د هغه په باور؛ افغانستان تاريخي خبرو اترو ته اړتيا لري چې حقايق روښانه شي.
هغه زياته کړه چې خلکو له تېر تاريخ څخه پند نه دى اخيستى او په همدې دليل د دغه هېواد تاريخ په وار وار تکرار شوى دى.
د پوهنتون استاد قنبرعلي تابش د فيض محمد کاتب هزاره د آثارو د پېژندنې په اړوند خبرې وکړې او ويې ويل چې هغه د دربار واقعه ليکونکى و چې بايد تاريخ د دربار په خوښه وليکي، خو د پټکارۍ له فن او لارو چارو څخه په استفادې سره یې د افغانستان واقعيتونه په تاريح کې درج کړي دي.
د افغانستان د علومو اکاډمۍ غړي استاد حبيب الله رفيع د کاتب هزاره د شخصيت په اړه یوه مقاله ولوستله او ويې ويل چې د هغه په آثارو کې ځينې پېښې سانسور شوې دي.
د اطلاعاتو او فرهنګ وزارت سرپرست محمد طاهر زهير د غونډې په پاى او جمع بندۍ کې له ويناوالو او ګډون کوونکو څخه مننه وکړه او د هېواد د تاريخ ليکنې په برخه کې د ملا فيض محمد کاتب هزاره د خدمتونو په ستاينې سره يې د تاريخ پر مطالعې ټينګار وکړ.
دا غونډه “انسان بنسټ” د اطلاعاتو او فرهنګ وزارت په همکارۍ د تاريخ اوونۍ په مناسبت جوړه کړې وه.
 کابل/ د مرغومي ۱۷مه/ باختر

تازه خبرونه

شنبه ۱۳۹۹/۱۰/۲۷ - ۱۰:۲۳
Background image

محمد طاهر زهير: ټول بايد د هوا د ککړتيا پرخلاف مبارزه کې ونډه واخلي

د اطلاعاتو او فرهنګ وزارت سرپرست محمد طاهر زهير نن د ( په کابل ښار کې د هوا د ککړتيا پر خلاف مبارزه کې د خبريالانو، فرهنګيانو او ښاريانو رول) په اړوند جوړ شوي پروګرام کې وويل: په کابل. . .

دوشنبه ۱۳۹۹/۱۰/۲۲ - ۱۵:۱۳
Background image

دردې که انتها نداشت شعري ټولګه پرانستل شوه

د سيد عبدالعظيم موسويان شعري ټولګه (دردې که انتها نداشت) اثر د باميانو په مرکز کې کره کتنه او پرانستل شوه.
د باختر اژانس د خبرله مخې؛ په هغې غونډه کې چې په باميانو ښار کې په همدې مناسبت. . .

دوشنبه ۱۳۹۹/۱۰/۲۲ - ۱۵:۸
Background image

په لغمان کې په تحقیقي ژورنالیزم پورې اړوند د ظرفیت لوړولو ورکشاپ پای ته ورسېد

په لغمان کې په تحقیقي ژورنالیزم پورې اړوند د ظرفیت لوړولو دوه ورځنی ورکشاپ پرون پای ته ورسېد.
د باختر آژانس د سیمه ییز خبریال د خبر له مخې؛ دغه ورکشاپ چې (ګهیځ د لیکوالو او ژورنالیستانو. . .

BACK TO NEWS