د فکر او قلم لارویانو د لعل پاچا ازمون هڅې وستایلې

farzad
دوشنبه ۱۳۹۹/۸/۲۶ - ۹:۴۵
د فکر او قلم لارویانو د لعل پاچا ازمون هڅې وستایلې

په کونړ کې د فکر او قلم لارویانو په علمي، فرهنګي او ادبي برخو کې د پوهاند لعل پاچا ازمون هڅې وستایلې او هغه یې د هېواد په کچه یو وياړلی شخص وباله.
په ټولنیزو او علمي چارو کې د رییس جمهور سلاکاراو د کابل پوهنتون استاد پوهاند لعل پاچا ازمون په تخليق او تحقیق برخو کې نږدې ۱۰۰ اثار پښتو ژبې او ادب ته وړاندې کړي دي.
د باختر اژانس د سیمه ييز خبریال د خبر له مخې؛ په دې غونډه کې د کونړ د فرهنګيانو په استازیتوب نظام الدین مالیار، حشمت ژمن، استاد محمد رضا زهير، محمد شعیب غروال، لیکوال او ژورنالیست عبدالغني هاشمي د استاد په ژوند، اثارو او افکارو خبرې وکړې او ویې ویل: پوهاند ازمون د پښتو ژبې بډاینې لپاره ستر کار کړی او څو چې پښتانه ژوندي وي د استاد یاد به ژوندی ساتي.
له غونډې وروسته پوهاند ازمون د یو شمېر فرهنګیانو په ملتیا د کونړ سید جمال الدین افغان پوهنتون ته لاړ او هلته یې سلګونو محصلینو ته د ولسي ادبیاتو په اړه لیکچر ورکړ. ازمون ځوانان د ادبیاتو مسلکي مطالعې ته وهڅول او ترې یې وغوښتل چې د فولکلوریکو ادبیاتو په برخه کې کار وکړي .
اسعد آباد/ د لړم ۲۶مه/ باختر

تازه خبرونه

یکشنبه ۱۳۹۹/۹/۲ - ۱۴:۵۲
Background image

محمد طاهر زهير او د «دافا» موسسې رييس د کابل بالا حصار د لرغونپېژندنې د کيندنو او تحقيقاتو پروژې هوکړه ليک لاسليک کړ

د اطلاعاتو او فرهنګ وزارت سرپرست او نوماند وزير محمد طاهر زهير او د “دافا” موسسې رييس د کابل بالا حصار د لرغونپېژندنې د کيندنو او تحقيقاتو پروژې هوکړه ليک لاسليک کړ.
د باختر آژانس د. . .

یکشنبه ۱۳۹۹/۹/۲ - ۱۴:۴۱
Background image

محمد طاهر زهير د لاجورد فلم ملي جشن د پرانیستلو په مراسمو کې: سینما کولاى شي فرهنګ تبلیغ او جوړ کړي او بايد په دې برخه کې پانګونه وشي

د اطلاعاتو او فرهنګ وزارت د سرپرست او نوماند وزير محمد طاهر زهير په ګډون پرون د لاجورد فلم ملي جشن په کابل کې د روسيې د علم او فرهنګ خونې په تالار کې پرانیستل شو.
د باختر آژانس خبريال د. . .

یکشنبه ۱۳۹۹/۹/۲ - ۱۱:۳۱
Background image

د اطلاعاتو او فرهنګ وزارت د محمد الیاس داعي یادغونډه جوړوي

د اطلاعاتو او فرهنګ وزارت د خبریال محمد الیاس داعي یاد غونډه په نږدې ورځو کې په کابل کې جوړوي.
د باختر آژانس خبریال د خبر له مخې؛ په هغې غونډه کې چې نن د اطلاعاتو او فرهنګ وزارت د هنر. . .

BACK TO NEWS