د غزني د لرغونو ساحو حريم د موقت دېوال په جوړولو سره مشخص کېږي

farzad_moicgovaf
شنبه ۱۴۰۰/۵/۱۶ - ۱۴:۵۶
د غزني د لرغونو ساحو حريم د موقت دېوال په جوړولو سره مشخص کېږي

د اطلاعاتو او فرهنګ وزارت د فرهنګ او هنر د معين او د دغې کمېټې د رييس هارون حکيمي په مشرۍ نن د لرغونپېژندنې کمېټې غونډه جوړه شوه.
د باختر آژانس خبريال د خبر له مخې؛ په دې غونډه کې د کمېټې غړیو د غزني د تاريخي څلو، بالاحصار او د روضې دېوال د جوړولو او په بادغيس ولایت کې د ۴۵ تاريخي آثارو د پېرودنې او کابل ته د غور موزيم د آثارو د لېږدونې په اړه هر اړخيزې خبرې وکړې او خپلې نظريې وړاندې کړې.
په دې غونډه کې کمېټې پرېکړه وکړه چې د غزني د لرغونو ساحو د حريم د تشخيص په خاطر دې موقت دېوال جوړ شي چې د غصب مخه ونيول شي.
دغه راز په دې غونډه کې د انځورګرۍ د يو اثر په اړه چې د حامدکرزي له نړيوال هوايي ډګر څخه دغې کمېټې ته استول شوی و، هم خبرې وشوې او پرېکړه وشوه چې د زياتې څېړنې په خاطر دې یاد اثر لابراتوار ته واستول شي.
د اطلاعاتو او فرهنګ وزارت معين د ملي نګارستان رياست ته لارښوونه وکړه چې بهر ته د انځورګرۍ آثارو د لېږدونې په خاطر يوه خبرتيا ترتیب کړي چې د هغې پر بنسټ، هغه کسان چې د انځورګرۍ آثار بهر ته لېږدوي؛ د اطلاعاتو او فرهنګ وزارت ته خبر ورکړي.

کابل/ د زمري ۱۶ مه/ باختر

تازه خبرونه

چهارشنبه ۱۴۰۰/۵/۲۷ - ۱۰:۳۱
Background image

ذبيح الله مجاهد: د اطلاعاتو او فرهنګ وزارت رييسان او کارکوونکي دې د پخوا په شان خپلو کارونو ته دوام ورکړي

د افغانستان د اسلامي امارت وياند او د فرهنګي چارو د کمېسيون رييس ذبيح الله مجاهد نن په يوه غونډه کې د اطلاعاتو او فرهنګ وزارت مسوولينو او کارکوونکو ته ډاډ ورکړ چې د پخوا په شان خپلو. . .

پنجشنبه ۱۴۰۰/۵/۲۱ - ۱۴:۱۰
Background image

د ارواښاد نصر الله حافظ د زوکړې ۹۰ مه کالیزه نمانځل کېږي

د اطلاعاتو او فرهنګ وزارت د استاد نصرالله حافظ د زوکړې ۹۰ کالیزې د نمانځنې په مناسبت غونډه وکړه.

په دې غونډه کې د اطلاعاتو او فرهنګ وزارت مشاور فقیر میوند، د جمهوري ریاست فرهنګي مشاور. . .

چهارشنبه ۱۴۰۰/۵/۲۰ - ۱۴:۱۹
Background image

د جام څلي د ساتنې کمېټې غونډه وکړه

د اطلاعاتو او فرهنګ وزارت د فرهنګ او هنر د معين هارون حکيمي په مشرۍ نن د جام څلي د ساتنې کمېټې غونډه د ويډيو کنفرانس له لارې جوړه شوه.
د باختر آژانس خبريال د خبر له مخې؛ دغه غونډه د. . .

BACK TO NEWS